လူသိနည်းတဲ့အမေရိကန်စစ်တပ်ရဲ့ထူးခြားချက် ( ၇ ) ချက်

ဆောင်းပါးရှင် - ကိုညီညီ ( တောင်ကြီး )

.

ကမ္ဘာ့အာဏာချိန်ခွင်လျှာညှိနိုင်လောက်အောင်အင်အားကြီးမားတဲ့အမေရိကန်စစ်တပ်ရဲ့ထူးခြားချက် ( ၇ ) ခု ကို Business Insider သတင်းစာကြီးက ဖော်ထုတ်ရေးသားမှုကို သင့်တင့်သလိုမြန်မာမှုပြုပေးလိုက်ပါတယ်။ လေ့လာကြပါကုန်..။

.

.

.

၁.. အမေရိကန်စစ်တပ်ဟာ အမေရိကန်နိုင်ငံထက်သက်တမ်းရင့်တယ်

.

.

( ၁၇၇၆ ) ခုနှစ်၊ ဂျူလိုင်လ ( ၄ ) ရက်နေ့မှာမွေးဖွားခဲ့တဲ့ တိုင်းပြည်လွတ်လပ်ရေးနေ့မတိုင်ခင် အမေရိကန်စစ်တပ်ဟာ နောင်တော်ကြီးအနေနဲ့ ပေါ်ထွန်းခဲ့တယ်။ အမေရိကတိုက်ကြီးတစ်တိုက်လုံးရဲ့ လက်နက်ကိုင်အင်အားအနေနဲ့ အနာဂါတ်သမ္မတလောင်း ဂျော့ခ်ျဝါရှင်တန် က သန္ဓေဥပေးခဲ့လို့သာ လွတ်လပ်ရေးကြေငြာစာတမ်းကို သမ္မတသောမတ်စ်ဂျက်ဖာဆန်က ရေးခွင့်ရခဲ့တာပေါ့။

.

စစ်တပ်အခြေမတည်နိုင်သေးခင်အထိ အမေရိကန်မြေကလေးဟာ  အမှိုက်ကလေးတွေစုပေါင်းထားတဲ့ပုံစံနဲ့ ဗြိတိသျှတို့ရဲ့ အုပ်ချုပ်မှုအောက်မှာ ကိုလိုနီဘဝနေခဲ့ရတာပါ။ သို့ပေမယ့် ( ၁၇၇၅ ) ခုနှစ် ဆောင်းဦးရာသီ - Spring ရောက်ခဲ့အခါ အတိုက်အခိုက်ပညာတတ်ကျွမ်းတဲ့ ရန်သူဗြိတိသျှစစ်တပ်ကိုတိုက်ထုတ်နိုင်ဖို့ နည်းစံနစ်ကျကျဖွဲ့စည်းဖို့လိုအပ်လာတာကို သိခဲ့ကြတယ်။

.

ဒီလိုနဲ့ အမေရိကန်မော်ကွန်းဝင် ( လက်ရှိ ကျောင်းသားမြို့တော် ) ဘော်စတွန်မြို့ကနေ စတင်တိုက်ထုတ်ရင်း  ( ၁၇၇၅ ) ခုနှစ်၊ ဂျွန်လ ( ၁၄ ) ရက်နေ့မှာ အမေရိကန်စစ်တပ်ကို ကွန်ကရက်ရဲ့ပြင်ဆင်ဖွဲ့စည်းခြင်းနဲ့အတူ မွေးဖွားနိုင်ခဲ့တယ်။

.

နောက်တစ်ရက်မှာ အသစ်စက်စက်စစ်တပ်အတွက် ဂျော့ခ်ျဝါရှင်တန်ကို စစ်သေနာပတိချုပ်ခန့်ပြီး နောက်လ ဂျူလိုင်လ ( ၃ ) ရက်နေ့မှာ သူဟာ တပ်ကိုဦးဆောင်ခဲ့တယ်လို့ အမေရိကန်စစ်သမိုင်းက ရေးပါတယ်။

.

.

.

၂.. အကယ်၍အမေရိကန်စစ်တပ်ကိုမြို့ကြီးတစ်မြို့အနေနဲ့တွက်မယ်ဆိုရင် ( ၁ဝ ) ခုမြောက်အကြီးဆုံးမြို့ဖြစ်တယ်

.

.

အမေရိကန်စစ်တပ်မှာ တပ်သား ( ၁ ) သန်းကျော်ရှိပါတယ်။ အဲဒီထဲကတစ်ဝက်လောက်ဟာ အချိန်ပြည့်တာဝန်ထမ်းဆောင်နေသူများဖြစ်ကြတယ်။ ကျန်သူများကတော့ အမျိုးသားကာကွယ်ရေးတပ် နဲ့ အရံတပ်စုအနေနဲ့တည်ရှိကြတယ်။

.

ကိန်းဂဏန်းနဲ့နှိုင်းယှဉ်နိုင်ဖို့အတွက် စစ်သားတွေကို မြို့တစ်မြို့အတွင်းနေရာယူခိုင်းလိုက်မယ်ဆိုရင် ကယ်လီဖိုးနီးယားပြည်နယ်က နာမည်ကြီးဆီလီကွန်တောင်ကြားမြို့တော် ဆန်ဟိုဆေးမြို့၊ တက္ကဆက်ပြည်နယ်က အော်စတင်မြို့၊ ဖလော်ရီဒါပြည်နယ်က ဂျက်ဆင်ဗဲလီမြို့ နဲ့ ပင်လယ်အော်ဒေသက မြို့အလှကလေး ဆန်ဖရန်စစ္စကိုမြို့တို့ထက် လူဦးရေများတယ်လို့ ဆိုပါတယ်။

.

.

.

၃.. အမေရိကန်စစ်တပ်ဟာ နိုင်ငံတွင်းမှာ ဒုတိယအကြီးဆုံးအလုပ်ရှင်ဖြစ်တယ်

.

.

ဝန်ထမ်းဦးရေ ( ၂.၂ ) သန်း ရှိတဲ့ ဝေါမာ့ခ် - Walmart ကော်ပိုရေးရှင်းဟာ အမေရိကန်မှာ အများဆုံးအလုပ်ခန့််ထားတဲ့ကုမ္ပဏီပါ။ သူ့နောက်ကကပ်လိုက်သူကတော့ လက်ရှိတာဝန်ထမ်းဆောင်တပ်သား ( ၁ ) သန်းကျော်ရှိတဲ့ အမေရိကန်စစ်တပ်ပါပဲ။

.

ဘတ်ဂျက်ဖြတ်တောက်မှုအရ ( ၂ဝ၁၅ ) ခုနှစ်မှာ တပ်သား ( ၁ဝ၄၂၂ဝဝ ) ဦး သာ ကျန်ရှိတော့မယ့် အမေရိကန်စစ်တပ်ဟာ ဝန်ထမ်း ( ၅၂၃ဝဝဝ ) ဦးရှိပြီး တတိယအကြီးဆုံးအလုပ်ခန့်ကုမ္ပဏီဖြစ်တဲ့ Yum Brands ကုမ္ပဏီထက် များနေသေးတာကိုတွေ့ရပါမယ်။

.

.

.

၎.. စပါယ်ရှယ်လစ်အများကြီးရှိတဲ့စစ်တပ်

.

.

အမေရိကန်စစ်တပ်မှာတစ်ခုခုဆိုရင် လူအနည်းဆုံး ( ၃ ) ယောက် ဒါမှမဟုတ် စပါယ်ရှယ်လစ်တစ်ယောက်ခေါ်ပြီး ဖြေရှင်းကြတယ်။ ဒါကြောင့်ပဲလားတော့မသိ .. E-4 Mafia လို့နာမည်တွင်နေတဲ့ စပါယ်ရှယ်လစ်အများအပြားရှိနေတဲ့ အမေရိကန်စစ်တပ်ကို နောက်ပြောင်စရာဖြစ်လာတယ်။

.

( ၂ဝ၁၅ ) ခုနှစ် တစ်နိုင်ငံလုံးကိုကြည့်လိုက်တဲ့အခါ စပါယ်ရှယ်လစ် ( ၂၆၄၈၉ဝ ) ဦး ရှိတဲ့စစ်တပ်ကို လှောင်မယ်ဆိုလည်း လှောင်စရာပါ။ ဟုတ်လည်းဟုတ်ပါတယ် .. သူ့အရေအတွက်က စစ်သားဦးရေရဲ့ ( ၄ ) ပုံ ( ၁ ) ပုံ ရှိနေတာကိုး..။ တပ်အတွင်းမှာ စပါယ်ရှယ်လစ်တွေကို ကွမ်းကျင်အဆင့် ( ၄ ) ကနေ ( ၉ )  အထိ ခွဲခြားထားတယ်။ ဒါပေမယ့် ဒီစံနစ်ကို ( ၁၉၈၅ ) ခုနှစ်အရောက်မှာ အဆင့် ( ၄ ) ကို အောက်တစ်ဆင့်လျှော့ချပြီး သာမန်စပါယ်ရှယ်လစ်အနေနဲ့ပဲ ခေါ်ဆိုခဲ့ပါတယ်။

.

.

.

၅.. နှစ်စဉ်လောင်စာဆီ ( ၁ ) ဘီလျံဂါလံကိုလောင်မြိုက်ပစ်နေတာ အမေရိကန်စစ်တပ်ပါ

.

.

လောင်စာစွမ်းအင်သုံးတဲ့ တစ်ခြားကော်ပိုရေးရှင်းတွေလိုပဲ အမေရိကန်စစ်တပ်ကလည်း သူ့လုပ်ငန်းတွေလည်ပတ်ဖို့ လောင်စာဆီလိုပါတယ် .. လိုလိုက်တာမှ အများကြီးပါ..။ ( ၂ဝ၁၁ ) စာရင်းအရ စစ်သားတစ်ယောက်အတွက် လောင်စာဆီလိုအပ်ချက်က ( ၂၂ ) ဂါလံပါ။ ဒီပမာဏကို ဒုတိယကမ္ဘာစစ်က စစ်သားတစ်ယောက်အတွက် ( ၁ ) ဂါလံသာလိုတဲ့ ပမာဏနဲ့နှိုင်းယှဉ်တွက်ချက်ကြည့်နိုင်ပါတယ်။

.

( ၂ဝဝ၈ ) ခုနှစ် စစ်တပ်ရဲ့ထုတ်ပြန်ချက်အရ မိုဘိုင်းလှုပ်ရှားမှုများအတွက် လောင်စာဆီပေါင်း ( ၈၈ဝ ) သန်းဂါလံ ဝယ်ယူခဲ့ရတယ်။ ဘဘာဝစွမ်းအင် နဲ့ ဇီဝလောင်စာတွေကိုအစားထိုးပြီး ဒီလောက်မြင့်နေတဲ့ပမာဏကိုလျှော့ချနိုင်အောင် အမေရိကန်ကာကွယ်ရေးဝန်ကြီးဋ္ဌာနက  ကြိုးစားနေတယ်လို့လည်း သိရပါတယ်။

.

.

.

၆.. အမေရိကန်သမ္မတအများစုဟာစစ်မှုထမ်းဖူးကြတယ်

.

.

အမေရိကန်သမ္မတအဆက်ဆက် ( ၄၄ ) ဦးထဲမှာ ( ၃၁ ) ဦးဟာ စစ်တပ်တာဝန်များကိုထမ်းဆောင်ဖူးကြတယ်။ အဲဒီအထဲက ( ၂၄ ) ဦးဟာ ကြည်းတပ် ( သို့မဟုတ် ) ကာကွယ်ရေးတပ်ကနေ ပါဝင်ခဲ့တယ်။ “ စစ်တပ်တာဝန်ထမ်းဆောင်ခဲ့ခြင်းရှိမရှိ ”  ဟာ သမ္မတတာဝန်ထမ်းဆောင်ဖို့လိုအပ်ချက်မဟုတ်သော်ငြားလည်း သမ္မတဂျော့ခ်ျဝါရှင်တန်ကစတင်ပြီး သူတို့ရဲ့အမည်နာမရှေ့မှာ “ စစ်သူရဲကောင်းတံဆိပ် - War Heros ” ဘွဲ့တပ်သုံးစွဲခဲ့တယ်။

.

သမ္မတ သီအိုဒိုရုဇဗဲ့က ဆန်ဟွမ်တောင်တက်တိုက်ပွဲအောင်နိုင်ခဲ့တဲ့အတွက် သူရဲကောင်းဘွဲ့ချီးမြင့်ခြင်းခံခဲ့ရတယ်။ သူ့လိုပဲ တိုက်လေယာဉ်အပစ်ချခံရပြီး အသက်ဘေးကလွတ်ခဲ့တဲ့ သမ္မတ ဘွတ်ခ်ျ ( ကြီး ) ဟာလည်း ဒုတိယကမ္ဘာစစ်ရဲ့လေသူရဲကောင်းတံဆိပ်ရခဲ့ဖူးသူပါ။

.

.

.

၇.. နယ်မြေကျယ်ပြန့်စွာပိုင်ဆိုင်တဲ့ အမေရိကန်စစ်တပ်ပိုင်မြေဟာ ဟာဝိုင်းရီ နဲ့ မက်ဆာချူးဆက်ပြည်နယ် ( ၂ ) ခုပေါင်းထက် ပိုကြီးတယ်

.

.

နိုင်ငံတစ်နိုင်ငံရဲ့စစ်တပ်တစ်ခုမှာ ကြီးမားကျယ်ပြန့်တဲ့အခြေခံအဆောက်အဦရှိကြစမြဲပါ။ အမေရိကန်စစ်သားတွေဟာ ကမ္ဘာအနှံ့စစ်သင်တန်း ( ၁၅၈ ) ခုနှစ်တွေကနေ တာဝန်ထမ်းဆောင်နေကြတယ်။ ဒီ့အတွက် အမေရိကန်တစ်နိုင်ငံတည်းမှာ ဧရိယာစတုရန်းမိုင် ( ၂၄ဝဝဝ ) ရှိတဲ့ ( ၁၅ ) သန်း ခန့်ကျယ်တဲ့ မြေဧကများကို ပိုင်ဆိုင်ထားတယ်။

.

ဒါကြောင့် အမေရိကန်ကြည်းစစ်တပ်ကို ပြည်နယ်တစ်ခုဖွဲ့ကြည့်လိုက်မယ်ဆိုရင် သေးငယ်တဲ့ မယ်ရီလန်း၊ ဟာဝိုင်းရီ၊ မက်ဆာချူးဆက် နဲ့ ဗားမောင့်ပြည်နယ်တို့ထက် ပိုပိုသာသာကြီးတဲ့ပြည်နယ်နေပါတယ်။

.

.

.

အထက်ပါထူးခြားချက်များကိုဖတ်ပြီး စစ်တပ်အသုံးစားရိတ်ဟာ တိုင်းပြည်ရဲ့ဘဏ္ဍာငွေတွေကိုဘယ်လောက်စုတ်ယူသောက်သုံးနေတယ်ဆိုတာကို အမြင်ကျယ်ကျယ် လှမ်းကြည့်နိုင်ကြပါစေ။

.

.

ခင်မင်ခြင်းများစွာဖြင့်

.

08-16-2015

.

ရည်ညွှန်းကိုးကား - Business Insider