အနာဂါတ်ကားဟာ သင့်အတွက်အစွမ်းထက်ဆုံးကွန်ပျူတာပါ

ဆောင်းပါးရှင် - ကိုညီညီ ( တောင်ကြီး )

.

.

ကားစပီလောက်ပုံးလေးထဲမှာ မှတ်ဥာဏ်ချစ်ပ်ကို သေးသမျှသေးအောင် ဖိသွင်းထားလိုက်တဲ့အခါ ကားရဲ့အဓိကမောင်းနှင်ခြင်းဦးနှောက် ဖြစ်လာပါတယ်။ ဒါကို ကားဒက်ရ်ှဘုတ်မှာတပ်ပြီး iPad ထိတွေ့မျက်နှာပြင်နဲ့ ရွှေ့လျားခိုင်းစေလို့ရတဲ့ ကားအစိတ်အပိုင်းတွေကို ချိတ်ဆက်ထားလိုက်ပြီဆိုရင်တော့ သင်ပိုင်ဆိုင်သမျှထဲမှာ ကားကွန်ပျူတာက အစွမ်းထက်ဆုံးနေရာအဆင့်ကို တက်ယူသိမ်းပိုက်လာပါလိမ့်မယ်။

.

တီဗွီဂိမ်း၊ ဗွီဒီယိုဂိမ်း နဲ့ လက်တော့ကွန်ပျူတာတွေမှာ Nvidia ရဲ့ နာမည်ကြီးဂရပ်ဖစ်ကဒ်တွေက တော်တော်ကြီးစိုးထားပါတယ်။ အရင်ဆယ်စုနှစ်ပိုင်းလောက်ကတည်းက သူ့ရဲ့ ချစ်ပ် တွေကို ကားကုမ္ပဏီတွေက မောင်းသူမပါတဲ့ Driverless Car တွေမှာ ထည့်သွင်းအသုံးပြုခဲ့ကြတယ်။ ဥပမာအားဖြင့် ( ၂ဝဝ၉ ) ခုနှစ်မှာ မြေချခဲ့တဲ့ တတိယမျိုးဆက် Audi A8 မှာ Nvidia ရဲ့ ဂရပ်ဖစ်ပရော်ဆက်ဆာကိုသုံးပြီး သုံးဖက်မြင်လမ်းပြမြေပုံကို အသက်သွင်းနိုင်ခဲ့တယ်။

.

.

လက်ရှိမှာ အဆိုပါ ဂရက်ဖစ်ကဒ်တွေကို Tesla ၊ Volkswagen ၊ Honda ၊ Mercedes နဲ့ Audi စတဲ့ ကားအစီးပေါင်း ( ၈ ) သန်း ပေါ်မှာ သုံးစွဲနေကြတယ်။ Nvidia ရဲ့ မော်တော်ယာဉ်ဆိုင်ရာအကြီးတန်းမန်နေဂျာ ဒန်နီရှက်ပီးရို - Danny Shapiro က ဒီအခြေအနေဟာ အစပျိုး - Intro ခရီးသာဖြစ်လို့ နောင်နှစ်အနည်းငယ်အတွင်း ( ၂၅ ) သန်း အထိ မြှင့်တင်ဖို့ အစီအစဉ်ဆွဲထားတယ်လို့ ဆိုပါတယ်။

.

“ ကားဝယ်မယ့် နောက်ပိုင်းလူငယ်မျိုးဆက်သစ်တွေဟာ iPhone နဲ့ iPad ဖက်ပြီး မွေးလာသူတွေဖြစ်ကြတယ်။ ကျွန်တော်တို့မျှော်လင့်တာက ကားပေါ်မှာပါတဲ့ အီလက်ထရောနစ်တွေက iPad ထက်မလျော့အောင်သာ ကောင်းနေပါစေ .. သူတို့လေးတွေ ငွေပိုသုံးပြီး အားပေးဝယ်စီးပါလိမ့်မယ် ” လို့ မျှော်လင့်ထားပါသတဲ့..။

.

.

စီယာတိုင် ကနေ ဘေးဘော်ဒီအထိ ကားတစ်စီးလုံးဆင်ရတာ  ပန်းပုသမားလို လက်ဝင်လှသလို သမားရိုးကျ ကားကုမ္ပဏီတွေက အီလက်ထရောနစ်စံနစ်ကို လျစ်လျူရှူထားကြတယ်။ ဒါပေမယ့် ခေတ်မှီလှတဲ့ ထိတွေ့မျက်နှာပြင်ထိန်းချုပ်စံနစ်ပါတဲ့ ဒက်ရ်ှဘုတ်၊ အကွေ့ပြလမ်းပြမြေပုံစံနစ် နဲ့ အနောက်ထိုင်ခုံခရီးသည်အတွက်ဖျော်ဖြေမှု စတာတွေကို ပြိုင်ဖက်ကုမ္ပဏီတွေက အီလက်ထရောနစ်ပစ္စည်းတွေ ဖောဖောသီသီနဲ့ ထည့်သွင်းလာတဲ့အခါ ရှေးရိုးစွဲ ကားထုတ်လုပ်သူတွေကို ခိုးလို့ခုလု ဖြစ်လာစေပါတယ်။

.

ဥပမာ - Tesla Model S မှာ ( ၁၇” ) Touchscreen က ရှေ့တည့်တည့်က ဒက်ရ်ှဘုတ်ပေါ်မှာ ပါလာတဲ့အခါ ဖုဖုဖောင်းဖောင်းခလုပ်တွေအကုန်လုံး လက်တစ်ကမ်းမှာ ရှိမနေတော့ပါဘူး။ ခပ်မိုက်မိုက် တောက်ပမျက်နှာပြင်ကနေ လေအေးပေးစက်ချိန်ညှိမလား၊ ကားအောက်ပိုင်းအနိမ့်အမြင့်ချိန်မလား၊ ဒါမှမဟုတ် အပေါ်အမိုးပွင့်တံခါးဖွင့်မလား၊ အားလုံးလုပ်ဆောင်နိုင်ပြီ ဖြစ်ပါတယ်။

.

မာဆေးဒီးစ်ကထုတ်မယ့် F015 မှာ အတွင်းခန်းကို ဒစ်ဂျစ်တယ်ဧည့်ခန်း - Digital Living Space လို့ တင်စားထားပါတယ်။ ပတ်ပတ်လည်မှာ လှုပ်ရှားမှုမှန်သမျှကို လိုက်လံဖမ်းသိမ်း အမိန့်နာခံမယ့် မျက်နှာပြင်တွေ ပါဝင်လာတယ်။ Audi Prologue မှာကျပြန်တော့ ခလုပ်အားလုံးကို Touchscreen တစ်ခုတည်းပေါ် ပို့လိုက်ပါတော့တယ်။

.

အခုလို ခလုပ်တွေနေရာကို လက်ချောင်းလေးတွေနဲ့ ချောမွေ့စွာအမိန့်ပေးနိုင်ဖို့ဟာ  Nvidia ရဲ့ အဓိကရည်ရွယ်ချက်ဖြစ်တယ်လို့ ရှက်ပီးရို က ပြောပါတယ်။ ကားမောင်းခန်းအမြင်ထိန်းချုပ်ကွန်ပျူတာ Drive CX မှာပါတဲ့ Tegra X1 Processor ဟာ တစ်စက္ကန့်အတွင်းမှာ လွင့်မြောနေတဲ့ဆုံမှတ်ပေါင်း - FLOPS – Floating-Point Operations per Second ထရီလျံနဲ့ချီပြီး ပို့လွှတ်နိုင်ပါတယ်။ ဒီပမာဏဟာ လွန်ခဲ့တဲ့ ( ၁၅ ) နှစ်က ပေ ( ၁၆ဝဝ ) စတုရန်းပေါ်မှာတည်ဆောက်ထားတဲ့ စူပါကွန်ပျူတာတစ်လုံးရဲ့ လုပ်ဆောင်ချက်နဲ့ အတူတူ ဖြစ်ပါတယ်။

.

.

Nvidia ဟာ ကားမောင်းမှတ်ဥာဏ်ထုတ်လုပ်ရေးဈေးကွက်မှာ အဓိက အမြတ်များတဲ့အခန်းကဏ္ဍကနေ ပါဝင်လှုပ်ရှားနေသူပါ။ သူမပါရင်မပြီးတဲ့အခြေအနေရောက်အောင်လည်း တော်တော်လုပ်ယူထားရပါတယ်။ ကုမ္ပဏီကြီးတွေဖြစ်တဲ့ Texas Instruments ၊ Intel နဲ့ Qualcomm တို့ယူထားတဲ့ ကားဈေးကွက်မှာရတဲ့အမြတ်ဟာ Nvidia ရဲ့ နှစ်စဉ်ရင်းနှီးငွေ သန်းပေါင်း ( ၄၇ဝဝ ) ဒေါ်လာရဲ့ ( ၄% ) ခန့်ရှိတဲ့ အကွက်သေးလေးသာသာအဆင့်မှာပဲ ရှိနေပါတယ်။

.

ဘယ်လိုပဲဖြစ်ဖြစ် ကားထုတ်လုပ်သူတွေအတွက် ယနေ့ခေတ်အခါမှာ နည်းပညာတော်လှန်ရေးက စောင့်ကြိုနေပါတယ်။ ကုမ္ပဏီရဲ့ မော်တော်ကားဆိုင်ရာချစ်ပ်ထုပ်လုပ်မှုကနေ အမြတ်ငွေ ဒေါ်လာ ( ၁၈၃ ) သန်းရရှိဖို့ လမ်းစဉ်ချမှတ်ထားပြီး အနာဂါတ်ကားလောက ကနေ ( ၂ ) ဘီလျံလောက်ရလိမ့်မယ်လို့ ဘွတ်ကင်ရိုက်ထားပါတယ် လို့ ရှက်ပီးရိုက ပွင့်ပွင့်လင်းလင်း မှန်းထားပြီးသားပါ။

.

.

ဒါပေမယ့် Nvidia ရဲ့ ပစ်မှတ်က လူမပါပဲမောင်းတဲ့ကားဈေးကွက်ကို အပိုင်စား အုပ်စိုးချင်တာပါ။ ဒါကြောင့်ပဲ စောနက တင်ပြခဲ့တဲ့ ပတ်လည်လှည့်ကင်မရာ ( ၁၂ ) လုံးပါရုံမက ဒေတာအချက်အလက်တွေကိုပါ အလွတ်ကျက်နိုင်တဲ့ မှတ်ဥာဏ်မြင့်စွမ်းရည်အားကြီးတဲ့ Drive PX Autopilot Computer ကို ချပြနိုင်ခဲ့တယ်။ တစ်ကယ်တော့ ဒီကွန်ပျူတာစံနစ်ကနေ မော်တော်ယာဉ်ဝန်းကျင်မှာ ဘာတွေ ဘယ်လိုဖြစ်နေတယ်ဆိုတာကို လူ့ဦးနှောက်ကိုယ်စား မှတ်တမ်းတင်ပို့လွှတ်သွားမှာ ဖြစ်ပါတယ်။

.

“ ကားလမ်းပေါ်မှာဖြစ်ပျက်နေသမျှကို လိုက်ကောက်ယူပေးမယ့် နည်းပညာတစ်ခုကို ကလေးငယ်တစ်ယောက်ကိုသင်ပေးရသလိုလွယ်ကူစေမယ့် ကြိုတင်လေ့လာမောင်းနှင်စံနစ်ဟာ သင့်ကားထဲရောက်နေပါပြီ ”

.

“ အမြင်မျက်နှာပြင်မှာပေါ်သမျှကို တစ်ခါမှတ်ရုံနဲ့ နားလည်နိုင်တဲ့အဆင့်ရှိပါတယ်။ ဒါ့အပြင် မောင်းသူကလည်း မတူညီတဲ့လမ်းသင်္ကေတတွေကို သင်ပေးနိုင်တယ်။ လိမ်းချိန်းတာတွေနဲ့ ပတ်ဝန်းကျင်က ကွဲပြားတဲ့ကားတွေကို မှတ်ဥာဏ်ထဲသွင်းပေးနိုင်တယ်။ စီးနင်းသူတွေ နဲ့ လမ်းလျှောက်သူတွေကို လေ့လာခိုင်းလို့လည်းရတယ်။ ဒါက မောင်းသူမဲ့ကားရဲ့ အနာဂါတ်အားသာချက်တွေပါပဲ ”

.

“ မှတ်ဥာဏ်တွေသိမ်းထားမယ့် ဒေတာစင်တာမှာ အချက်အလက်တွေကို သိမ်းပေးထားမယ်။ လမ်းနဲ့ကိုက်ညီမယ့် ကွန်ပျူတာဦးနှောက်ကို ကားထဲထည့်ပေးလိုက်မယ်။ ဒါတွေကိုပေါင်းစပ်ပြီး တစ်ကယ့်လက်တွေ့မှာ အလုပ်လုပ်စေမယ် “

.

“ တစ်ကယ်လို့ ကားမှတ်ဥာဏ်က တစ်ခုခု နားမလည်ဘူးဆိုရင် အလိုအလျောက်စံနစ်သုံးပြီး မိုးတိမ်သိမ်းဆည်းမှု - Cloud ပေါ်တက်ချိတ်ပြီး ထရိန်နင်အသစ်ပြန်ပို့လွှတ်ချပေးလိုက်ပါလိမ့်မယ်။ ဒါကြောင့် ကားဟာ အသိဥာဏ်ရှိပစ္စည်းလို ခဏလေးအတွင်း ပိုမိုစမတ်ကျသထက်ကျလာမှာ သေချာတယ် ” လို့ ရှက်ပီးရို က ရှည်ရှည်ဝေးဝေး ရှင်းပြထားပါတယ်။

.

.

လက်ရှိမှာ Nvidia ရဲ့ အားစိုက်မှုကို Audi ရဲ့ zFAS မော်ဒယ်မှာ အကဲဖြတ်နိုင်ပါတယ်။ ( ၂ဝ၁၅ ) ခုနှစ် ဇန်နဝါရီလမှာ ကျင်းပခဲ့တဲ့ သုံးစွဲသူအီလက်ထရောနစ်ပွဲ - CES 2015 ( Consumer Electronics Show ) မှာ ပွဲမှာပြမယ့် Audi A7 ကားကို ဆန်ဖရန်စစ္စကိုကနေ ပွဲစင်မြင့်ရှိရာ လာ့စ်ဗေးဂက်စ် အထိ မောင်းသူမပါပဲ ပရိုဂရမ်ထိန်းချုပ်မှုနဲ့ ရွှေပွဲလာပရိသတ်များကို အံ့အားသင့်စေခဲ့တာက သက်သေခံနေပါတယ်။

.

ဟုတ်ပါတယ် .. မောင်းသူမဲ့ကားရဲ့နိမိတ်ပုံဟာ ခက်ခဲတဲ့ကြံဆချက်၊ နောက်ဆုတ်လို့မရတဲ့ သုတေသန၊ ပြန်လှည့်ကြည့်စရာမလိုတဲ့ ဆုံးဖြတ်ချက်တွေမပါပဲ ဖြစ်လာစရာအကြောင်း မရှိပါဘူး။ ယခုသီတင်းပတ်အတွင်းမှာပဲ ဂူးဂဲလ် ရဲ့ မောင်းသူမဲ့ကားဟာ ( ၆ ) နှစ်အတွင်းမှာ အသေးစားထိခိုက်မှု ( ၁၁ ) ကြိမ် ဖြစ်ခဲ့တယ်လို့ Google က ဝန်ခံခဲ့ပါတယ်။

.

.

ဒါပေမယ့် Google ရဲ့ မောင်းသူမဲ့ကားပရိုဂရမ်ရဲ့ ဒါရိုက်တာ ခရစ်အမ်ဆမ် ကတော့ သူတို့ရဲ့ကားတွေဟာ မတော်တဆမှုဖြစ်ခဲ့တယ်ဆိုတာကို ငြင်းဆိုပါတယ်။ ယေဘုယျအားဖြင့် လူမောင်းတာထက် စက်မောင်းတာက အန္တရာယ်ပိုကင်းတယ်လို့ ယူဆနေကြတာလည်း ကြာမြင့်နေပါပြီ။

.

Tesla လျှပ်စစ်ကားတည်ထောင်သူ အယ်လွန်မတ်စ် က “ အနာဂါတ်ကမ္ဘာမှာ လူတက်မောင်းတဲ့ကားက အန္တရယ်များလွန်းလို့ တစ်နေ့နေ့တစ်ချိန်ချိန်မှာ တရားမဝင်ကိစ္စတစ်ခုဖြစ်လာဖွယ်ရာရှိတယ် ” လို့ ပြောထားဖူးပါတယ်။

.

တစ်ချိန်က အထူးအဖိုးတန်လို့ယူဆခဲ့ကြတဲ့ လေအိတ်တောင်မှ အခုဆို ကားတိုင်းမှာ ပါနေကြပါပြီ။ ဒီလိုပါပဲ .. မောင်းသူမဲ့ကားလုပ်ဆောင်ချက်တွေပါတဲ့ ပစ္စည်းပစ္စယတွေကို ကားကုမ္ပဏီတွေက ထည့်သွင်းအသုံးပြုချင်နေပါပြီ။ အခုပဲကြည့်ပါ  Nvidia နဲ့ အလုပ်လုပ်နေကြတဲ့ ကားကုမ္ပဏီတွေရဲ့ အခြေခံအဆင့်ကားတွေမှာ ဆက်တိုက်ဆိုသလို ပါဝင်အသုံးတော်ခံနေကြတာ အားလုံးမျက်မြင်ပါ။

.

.

“ လူတွေက ကားကို သက်သက်သာသာ မောင်းချင်ကြတယ်။ ရပ်နားပါကင်ထိုးဖို့ကျတော့ မလုပ်ချင်ကြဘူး။ ကားလမ်းပိတ်ထဲမှာ ဘယ်သူမှ အသက်ရှူမကြပ်ချင်ကြဘူး။ ဒါကြောင့် ကွန်ပျူတာအားပြုကားတွေက ဒီနေရာလွတ်ကို အသာလေး ကူညီထိန်းကျောင်းပေးသွားလိမ့်မယ် ”

.

“ ကွန်ပျူတာကိုသာ ပေးမောင်းလိုက်ပါ။ ဒါကိုမှ မနေတတ်လို့ လူကြီးမင်းတို့ စိတ်ပြောင်းပြီး မောင်းချင်ရင် ဂွေကိုင်ပြီး ထမောင်းလိုက်ပါ .. ရပါတယ် ”

.

“ ကျွန်တော်တို့လူသားတွေဟာ စက်မောင်းတဲ့ကားက မတော်တဆတိုက်ခိုက်မှုတွေ၊ ထိခိုက်နာကျင်မှုတွေ၊ အသက်အန္တရာယ်စိုးရိမ်ရမှုတွေ လျှော့ချပေးနိုင်တာကိုတွေ့လာတဲ့ အချိန်တစ်ခုရောက်ရင် --- မောင်းသူမဲ့ကား စီးမှဖြစ်မယ်ဆိုတဲ့အနေအထားမျိုး --- မဖြစ်လာစရာ အကြောင်းမရှိပါဘူး ” လို့ Nvidia က ဟောကိန်းထုတ်ထားပါကြောင်း အနာဂါတ်မောင်းသူမဲ့ကားလောကအကြောင်း ဝင်ဆွေးနွေးလိုက်ရပါတယ်။

.

.

koko2yeye@gmail.com

.

ရည်ညွန်းကိုးကား - Business Insider
.
" အနာဂါတ်ကားဟာ သင့်အတွက်အစွမ်းထက်ဆုံးကွန်ပျူတာပါ " စာမူသည် ၂ဝ၁၅ ဂျွန်လ (  ၆  ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၈၇ ) ၊ စာမျက်နှာ ( ၅၁ ) တွင် ဖော်ပြပါရှိသည်။ Download : http://www.mediafire.com/download/dv25vbbmla4uve5/NetGuide+Vol+3%2C+Issue+87.pdf