သားကိုမွန်မြတ်တဲ့ဒါနရှင်ဖြစ်အောင်တွန်းပို့ခဲ့တဲ့ ဘီလ်ဂိတ်ရဲ့အမေ

ဆောင်းပါးရှင် - ကိုညီညီ ( တောင်ကြီး )

.

ဒီနေ့အချိန်အခါမှာ မိုက်ခရိုဆော့ဖ်သူဋ္ဌေးကြီးဘီလ်ဂိတ်ဆိုရင် ကမ္ဘာ့အချမ်းသာဆုံးနဲ့ အလှူအတန်းအရက်ရောဆုံးစာရင်းရဲ့ထိပ်မှာ ဆက်တိုက်ဦးဆောင်နေသူဆိုတာ မသိသူမရှိသလောက်ပါပဲ။ ( ၂ဝ၁၄ ) ခုနှစ်တစ်နှစ်တည်းမှာတင် ဒေါ်လာ သန်းပေါင်း ( ၁၅ဝဝ ) တစ်ဦးတည်းလှူဒါန်းမှုကို ပြုလုပ်ခဲ့သူပါ။ ဒီငွေတွေနဲ့ ကမ္ဘာသူ ကမ္ဘာသားများရဲ့ ကျန်းမာရေး နဲ့ ပညာရေး မြင့်တင်ဖေးမ ကောင်းစားမှုကို ဦးတည်အလုပ်အကျွေးပြုခဲ့ပါတာ ဖြစ်ပါတယ်။

.

သူဒီလိုဖြစ်လာရတဲ့အကြောင်းရင်းဟာ သူ့ရဲ့မိခင် မေရီ ရဲ့ ကျေးဇူးကြောင့်ဆိုတာ ဘီလ်ဂိတ် က အမြဲချီးမွှမ်းပြောဆိုခဲ့တယ်။ လက်ရှိမှာတော့ ဘီလ် ရဲ့ မိခင်ဟာ အသက်ထင်ရှားမရှိတော့ပါဘူး။ ( ၁၉၉၄ ) မှာ ရင်သားကင်ဆာဝေဒနာ နဲ့ ကွယ်လွန်သွားခဲ့ပြီ ဖြစ်ပါတယ်။

.

( ၁၉၈၆ ) ခုနှစ် မိုက်ခရိုဆော့ဖ် ရဲ့ စတော့ရှယ်ယာတွေကို အများပိုင် - Public ထုတ်ရောင်းပြီး IPO – Initial Public Offering ဈေးကွက်တင်လိုက်တဲ့အပြီး ဒေါ်လာဘီလျံနာနဲ့ချီပြီး ကြွယ်ဝချမ်းသာလာတဲ့ ဘီလ် ဟာ အသက် ( ၃ဝ ) အရွယ်ပဲ ရှိပါသေးတယ်။

.

ဝေါစထရိဂျာနယ် - WSJ ရဲ့ ( ၂ဝဝ၉ ) ခုနှစ် စာစောင်နဲ့တွေ့ဆုံတဲ့ဆောင်းပါးတစ်ခုမှာ အရမ်းချမ်းသာလာတဲ့ ဘီလ် ကို အမေ မေရီ က သူပိုင်ဆိုင်တဲ့ငွေတစ်ချို့ကို လှူဒါန်းမှုတွေပြုလုပ်ဖို့ တိုက်တွန်းခဲ့တယ်လို့ ရေးသားထားပါတယ်။ ဒါကို ဘီလ် က “ ကျွန်တော် ဒီငွေတွေနဲ့ ကုမ္ပဏီကို မောင်းနှင်ရဦးမယ်ဗျ ” ဆိုပြီး မိုက်ခရီဆော့ဖ်ကုမ္ပဏီကိုပေးရမယ့်အလုပ်ချိန်တွေကို ထိခိုက်မှာစိုးလို့ လုပ်ချင်စိတ် သိပ်မရှိခဲ့ပါဘူး။

.

.

မိုက်ခရိုဆော့ဖ်ကုမ္ပဏီတွင်းမှာ ရံပုံငွေတစ်ခုထူထောင်ပြီး United Way ဆိုတဲ့ အလှူရှင်အဖွဲ့အစည်းလိုမျိုး ပရိုဂရမ်တစ်ခုကို စတင်ဖို့ အမေ မေရီက သွန်သင်ခဲ့ပါတယ်။ အမေ မေရီဟာ ကင်းခရိုင်ရံပုံငွေအဖွဲ့ - King County’s United Way မှာ ဥက္ကဋ္ဌဖြစ်ခဲ့ပြီး First Interstate Bancorp ၊ U S West Inc. နဲ့ ဆီယက်တဲလ်မြို့တော်အသံလွှင့်ဋ္ဌာန - KIRO TV တို့မှာ ဒါရိုက်တာအဖြစ်လည်း ဆောင်ရွက်ခဲ့ပါသေးတယ်။

.

ဘီလ် နဲ့ မယ်လင်ဒါ တို့ရဲ့ မင်္ဂလာဆောင်မတိုင်ခင် ရှေ့တစ်ရက်မှာ အမေ မေရီက စာ ( ၁ ) စောင် ရေးပြီး မယ်လင်ဒါကို ပေးခဲ့တယ်ဆိုတာ ဘီလ်က နောက်ပိုင်းမှာ ဖွင့်ပြောလာတယ်။ နောက် ( ၆ ) အ အကြာမှာ အမေ မေရီဟာ ကင်ဆာရောဂါနဲ့ ဆုံးပါးသွားခဲ့တယ်။

.

ဒါပေမယ့် လအနည်းငယ်အကြာ ဘီလ်ဟာ ဖခင်ရဲ့အကူအညီ နဲ့ နောက်ပိုင်းမှာ “ ဘီလ် အင် မယ်လင်ဒါဂိတ်စ်ဖောင်ဒေးရှင်း - Bill & Melinda Gates Foundation ” ကို ဒေါ်လာ သန်း ( ၁ဝဝ ) မတည်ပြီး အစပျိုးနိုင်ခဲ့တယ်။ အမေ မေရီ ကွယ်လွန်သွားခဲ့သော်လည်း ဘီလ်က မိခင်စကားကို မမေ့နိုင်သေးပါ။ အထူးသဖြင့် အမေ မေရီ ရေးခဲ့တဲ့စာတိုလေးကို အခုအထိ လက်ဝယ်သိမ်းဆည်းထားပါသေးတယ်။

.

.

အမေ မေရီ ပြောခဲ့တာက “ ချမ်းသာပြီး များများပေးကမ်းတဲ့သူတွေဟာ များများပြန်ရတတ်တယ် ” ဟူ၍ပဲ ဖြစ်ပါတယ်။

.

.

သားသမီးကို လမ်းမှန်ပေါ်ရောက်အောင် ဆုံးမသွန်သင်ပေးနိုင်ခဲ့ရုံမက အရှေ့ကနေ တွဲခေါ် အနောက်ကနေ တွန်းတင်ပံ့ပိုးပေးနိုင်ခဲ့တဲ့ အမေ မေရီမက်စ်ဝဲလ်ဂိတ်စ် နဲ့ မိခင်စကားကို မြေဝယ်မကျနားထောင်ပြီး ကမ္ဘာမြေ၊ ကမ္ဘာ့လူသား ကောင်းရာကောင်းကျိုးကို ဆတက်ထမ်းပိုး စွမ်းဆောင်နေသော သား ဘီလ်ဂိတ် တို့ကို အမေများနေ့ - Mother’s Day မှာ အတုယူဂုဏ်ပြု ချီးကျူးမှတ်တမ်းတင်လိုက်ရပါတယ်။

.

koko2yeye@gmail.com

ရည်ညွှ့န်းကိုးကား - Business Insider 
.
" သားကိုမွန်မြတ်တဲ့ဒါနရှင်ဖြစ်အောင်တွန်းပို့ခဲ့တဲ့ ဘီလ်ဂိတ်ရဲ့အမေ " စာမူသည် ၂ဝ၁၅ မေလ ( ၃ဝ  ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၈၆ ) ၊ စာမျက်နှာ ( ၅၁ ) တွင် ဖော်ပြပါရှိသည်။ Download : http://www.mediafire.com/download/4bej18j80riz1l3/NetGuide+Vol+3%2C+Issue+86.pdf