လူဦးရေအဆမတန်တိုးပွားနှုန်းဟာ ပြသနာတစ်ရပ်ဖြစ်နေပြီလား

တရုပ်ပြည်အရှေ့ပိုင်း ရှန်ဒေါင်းပြည်နယ် က ပင်လယ်ကမ်းစပ်တစ်ခု

.

.

သက္ကရာဇ် ( ၂၁ဝဝ ) အရောက်မှာ ကမ္ဘာ့လူဦးရေဟာ သန်းပေါင်း ( ၁၁ဝဝဝ ) ရောက်မယ်လို့ မှန်းနေကြပါပြီ။ ( 11 Billion people in 2100 ). အမေရိကန်လူဦးရေစာရင်းကောက်အဖွဲ့ - U.S. Census World Clock က လက်ရှိကမ္ဘာ့လူဦးရေ သန်းပေါင်း ( ၇ဝ၉ဝ ) ရှိတယ်လို့ သတင်းပေးတယ်။

.

သင် သဘောတူသည်ဖြစ်စေ သဘောမတူသည်ဖြစ်စေ လူဦးရေအဆမတန်တိုးပွားနှုန်းဟာ နိုင်ငံစုံအတွက် အထူးစိန်ခေါ်မှုတစ်ရပ် ဖြစ်လာနေပါတယ်။ ရိုက်တာသတင်းဋ္ဌာနရဲ့ဓါတ်ပုံတွေအရ ကမ္ဘာ့တစ်ချို့နေရာတွေမှာ များပြားလှတဲ့လူအုပ်ကြီးတွေကို မှတ်တမ်းတင်ထားပါတယ်။

.

ကမ်းခြေက အစ မီးရထား၊ လိုင်းကားအဆုံး ကြိတ်ကြိတ်တိုးနေရင်း ချွေးတစ်လုံးလုံးကျနေတဲ့ အသက်ရှင် ကိုယ်ခန္ဓာများဟာ သူတို့နေ့စဉ်ဘဝရဲ့ အစိတ်အပိုင်းတစ်ခုဆိုတာ အသေအချာပါပဲ။

.

အောက်မှာ ဓါတ်ပုံ ( ၁၄ ) ပုံကို Photo Album တင်ပေးလိုက်ပါတယ်။ မြန်မာနိုင်ငံ နဲ့ နိုင်ငံအသီးသီးရောက် ရွေမြန်မာများစိတ်ကြိုက်ပုံများရှိပါက “ ပုံစာနှင့်တကွ ” အားဖြည့်ပါဝင် Comment ပေးစေလိုပါတယ်။

.

Ref: Business Insider

.

koko2yeye@gmail.com

ပညာရေး

ဆောင်းပါးရှင် - ကိုညီညီ ( တောင်ကြီး )

.
.
မေး ။          ။ ကြီးမားတဲ့ လူအုပ်စုကြီးတစ်ခုကို သေးငယ်တဲ့အကြံလေးတစ်ခုလောက်ပေးနိုင်မလား?
.
“ ဒါဆိုရင် ကလေးတွေကို တစ်ခုလောက်ပြောချင်တယ် ”
.
.
မေး ။          ။ ကောင်းပါပြီ .. ဘာများလဲ?
.
“ မိမိကိုယ်ကို ပညာတတ်ဖြစ်အောင်လုပ်ပါ။ ရသလောက်လုပ်ပါ။ မိမိအတွက်ရော သူတစ်ပါးအတွက်ရော ဗဟုသုတ ရှာမှီးပါ ” လို့ ….
.
Ref: July 1, 2013 Post, Humans of New York

အသံလှိုင်းကြောက်တဲ့ အဖွားအို

ဆောင်းပါးရှင် - ကိုညီညီ ( တောင်ကြီး )

.

.

“ လူတွေဆီကိုသွားဖို့၊ လူကြားထဲမှာနေဖို့ ငါ့အတွက် တော်တော်ခက်တယ်။ ငါ က အင်တာနက်လည်းမသုံးဘူး။ အီးမေးလ်လည်းမရှိဘူး။ ဒါတွေက စိတ်မချရဘူးလေ ” လို့ ပြောလာတဲ့ ယူကေနိုင်ငံက အသက် ( ၇၂ ) နှစ် အဖွား စတက်ဖနီ အကြောင်းက တစ်မျိုးလေးပါ။

.

.

အဖွားဟာ သူ့အိမ်ကို စတာလင်ပေါင် ( ၄ဝဝဝ ) အကုန်ခံပြီး ဆေးသုတ်တယ်။ ရိုးရိုးတောင်မဟုတ်ဘူး .. ဆေးကို ( ၄ ) ထပ်သုတ်တာပါ။ သုံးတဲ့ဆေးက အထူးစီမံထားတဲ့ ဝါယာလက်အသံလှိုင်းကို တားဆီးနိုင်တဲ့ ဆေးအမျိုးအစား ဖြစ်ပါတယ်။ တစ်နည်းအားဖြင့် ဒီအိမ်ထဲမှာ ဘယ်လိုကြိုးမဲ့ခေတ်မီကိရိယာမှာ ကွန်နက်ရှင် မမိအောင် လုပ်လိုရင်းဖြစ်တယ်။ အဖွားက ဘာလို့ ဒီလိုစီစဉ်ရတာလဲ?

မောင်းသူမဲ့ Drone ယာဉ်များရဲ့ အနာဂါတ်

ဆောင်းပါးရှင် - ကိုညီညီ ( တောင်ကြီး ).

.

.မောင်းသူမဲ့ Drone တီထွင်သူ ခရစ်အင်ဒါဆန် ဟာ ကွဲပြားတဲ့အလုပ်အကိုင်များလုပ်ကိုင်သူဖြစ်ပြီး သူ့မှာ စိတ်ဝင်စားစရာကောင်းတဲ့အချက်တွေ အများအပြား ရှိပါတယ်။ အင်ဒါဆန် ဟာ Wired မဂ္ဂဇင်းမှာ အယ်ဒီတာချုပ်အဖြစ် တာဝန်ယူနေပြီး အောင်မြင်တဲ့စာအုပ် ( ၃ ) အုပ်ရေးခဲ့သလို DIYDrones အင်တာနက်စာမျက်နှာကို မောင်းနှင်နေပါတယ်။ ဒါ့အပြင် အသင့်တပ်ဆင်ထ်ိန်းချုပ်မောင်းနှင်နိုင်တဲ့ Drone ယာဉ်ပျံများကို ထုတ်လုပ်တဲ့ 3DRobotics ကုမ္ပဏီမှာ စီအီးအို အဖြစ်ဦးဆောင်နေသူပါ။ အင်ဒါဆန် နဲ့ အင်တာဗျူးခွင့်ရခဲ့တဲ့ Business Insider သတင်းအဖွဲ့ရဲ့ အမေးအဖြေကို အောက်မှာ ဖော်ပြပေးလိုက်ပါတယ်။

.

.

မေး ။            ။ တစ်ဦးတစ်ယောက်က ပထမဦးဆုံး မောင်းသူမဲ့ Drone ကို မဝယ်ခင် ဘာသိထားဖို့လိုပါသလဲ?

.

အင်ဒါဆန် ။          ။ ဟယ်လီကော်ပတာ နဲ့ လေယာဉ်ပျံတွေအထိ Drone တွေက အမျိုးအစားအများကြီး ရှိတယ်။ လေယာဉ်တွေက လှပပြီးတော့ နာရီပေါင်းများစွာ ပျံနိုင်တယ်။ ဒါပေမယ့် သူ့အတွက် ပျံတက်ဖို့ နဲ့ ဆင်းသက်ဖို့ လုံလောက်တဲ့နေရာအကျယ်အဝန်း ရှိဖို့လိုတယ်။ ဒေါင်လိုက် - အထက်တည့်တည့်ပျံတက်ဖို့အတွက်ကတော့ ဟယ်လီကော်ပတာ က အကောင်းဆုံးပါပဲ။

.

ဝယ်သူကို " ကေ်ာပတာ လား လေယာဉ်လား " ဆိုတာ ပထမဦးဆုံး မေးရလိမ့်မယ်။ အများစုက ကော်ပတာ ကို ရွေးကြတယ်။ သူတို့က ထိန်းချုပ်ရလွယ်တယ်လေ။ တစ်ကယ်လို့ ဘယ်လိုထိန်းကျောင်းမောင်းနှင်ရသလဲဆိုတာ လေ့လာချင်ရင် အမ်မဇွန်မှာ RC Toys ဆိုတာတွေ အများကြီးရှိတယ်။ အဲဒီကနေ စလေ့လာပါလို့ ကျွန်တော်တိုက်တွန်းချင်တယ်။

အိုးမဲ့အိမ်မဲ့

ဆောင်းပါးရှင် - ကိုညီညီ ( တောင်ကြီး )

.
.
မေး ။          ။ ဘာကြောင့် အိမ်မဲ့ဘဝ ရောက်ခဲ့တာလဲ ?
.
" အမေ က ဘာကိုမှ မထိန်းသိမ်းနိုင်ရင်းကနေ ဒိဘဝ ရောက်သွားတာ။ ဝမ်းအနည်းရဆုံးက အထက်တန်းတက်နေတုန်း ဖြစ်တာ "
.
" ဒါနဲ့ ဘယ်သူမှမသိအောင် လျို့ဝှက်ပြီး နေခဲ့ရတယ်။ သိတဲ့အတိုင်း အထက်တန်းကျောင်းသူဘဝ လေ "
.
Ref: May 13, 2013 Post, Humans of New York

အသစ်ထွင်လိုက်တဲ့ လေ-ထီး နဲ့ ဆာ-ထီး

ဆောင်းပါးရှင် - ကိုညီညီ ( တောင်ကြီး )

.

.

အခုတစ်လော “ ထီး ”အကြောင်းပြောဆိုမှုတွေများလာတာနဲ့အမျှ ထီးကို အာရုံစိုက်မှုများလာတဲ့အထဲမှာ နည်းပညာနယ်ပယ်သည်လည်း တစ်ခုအပါအဝင် ဖြစ်ပါတယ်။ သမားရိုးကျ ထီးကောက်၊ ခေါက်ထီး၊ ခလုပ်ထီး၊ ( ၃ ) ဆင့်ခေါက်ထီး၊ ပလပ်စတစ်ထီး ကနေ မြန်မာမှု ပုသိမ်ထီးအထိ နိုင်ငံတကာမှာ လူအမျိုးမျိုးက ထီးအမျိုးမျိုးကို မိုးဒဏ်၊ နေဒဏ် ကနေ နှင်းဒဏ်အထိ အကာအကွယ်ယူကြပါတယ်။ ဘယ်လောက်အမျိုးအမည်များပါစေ ထောက်တံ ( စပုတ်တံရိုး ) နဲ့ အူတိုင်ပါတဲ့ ရွက်ဖွင့်ထီးကနေ ရုန်းမထွက်နိုင်ခဲ့ကြပါ။ အခုတော့ တီထွင်ပြောင်းလဲသူတွေ ရှိလာနေပါပြီ။ ၂ဝ၁၄ နှောင်းပိုင်းမှာ အသစ်ထွင်လာခဲ့ကြတဲ့ လေ-ထီး နဲ့ ဆာ-ထီး တို့အကြောင်းကို ပူးတွဲတင်ပြပါမယ်။

.

.

လေ-ထီး ရဲ့ အမည်က Air-Umbrella ဖြစ်ပြီး တရုတ်နိုင်ငံက တီထွင်သူများက ပွဲထုတ်လိုက်ပါတယ်။ ထီးအနေအထားဟာ ဆံပင်မှုတ်စက် နဲ့ အနှိပ်စက် ပုံဆန်ဆင်ဆင်ဖြစ်ပြိး ကိုင်ဆောင်သူရဲ့ အကွာအဝေး ( ၃ ) ပေကျော်အထိ မိုးရေကို ကာကွယ်ပေးပါလိမ့်မယ်။ ပြန်လည်အားသွင်းရတဲ့ ဘက်ထရီခြောက်စံနစ်ပါ ကိရိယာဖြစ်ပြီး တစ်ခါအားသွင်းထားရင် ( ၁၅ ) မိနစ် နဲ့ နာရီဝက် အကြာအထိ ဆောင်းထားနိုင်ပါတယ်။

.

( ၂ ) ပေါင်ခန့်လေးတဲ့ ဒုတ်တံတစ်ချောင်းသာသာဖြစ်ပြီး ခလုပ်ကို ဖွင့်ထားတာနဲ့ ဆောင်းသူရဲ့ ခေါင်းပေါ်ကို ကျရောက်လာမယ့် မိုးရေစက်တွေကို ထီးက လေအားနဲ့ မှုတ်ထုတ် လွှမ်းခြုံပေးထားမှာပါ။ ဘေးကလူကြည့်ရင်တော့ ထီးဆောင်းထားတာနဲ့ မတူပဲ အိုလံပစ်မီးရှူးတိုင် ကိုင်ထားသလို မြင်ရလို့ ခပ်ဆန်းဆန်းဖြစ်နေဦးမှာ သေချာပါတယ်။

.

ပြီးတော့ ထီး ဆောင်းထားသူရဲ့ ဦးခေါင်းအထက်နားမှာ ထီးပုံစံ ရေပန်းတစ်ခုလည်း ပုံပေါ်နေမှာဖြစ်လို့ စတိုင်အတော်ကျမယ့် ထီးဖြစ်တယ်လို့ Business Insider က ရေးပါတယ်။ လောလောဆယ် ပုံကြမ်း - Prototype အဆင့်ကနေ သုံးစွဲသူလက်ထဲကို ၂ဝ၁၅ အမှီ ပို့ပေးမယ်လို့ ဆိုထားပါတယ်။ အခုထိတော့ ထုတ်လုပ်ဖို့ ရံပုံငွေ ရှာနေဆဲဖြစ်ပြီး နောက်ပိုင်းမှာ အားသွင်းချိန်ပိုခံနိုင်အောင် နဲ့ နှင်း ဒဏ်ကိုပါ ကာကွယ်နိုင်အောင် တိုးတက်ပြောင်းလဲယူနေတယ်လို့ တီထွင်သူ Chuan Wang  အုပ်စုက သတင်းပေးထားပါတယ်။

.

.

.

.

ကျွန်တော်တို့ ငယ်ငယ်တုန်းက စက္ကူခေါက်တွန့်လေးတွေနဲ့ ချိုးယူတဲ့ အိုရီဂါးမီ ကို မှတ်မိကြမှာပေါ့။ ကလေးဘဝပျော်စရာ နဲ့ ခေတ်သစ်နည်းပညာကို ပေါင်းစပ်လိုက်တဲ့အခါ ထောက်တံမပါတဲ့ ခေါက်ထီးတစ်မျိုးကို နယူးယောက်မြို့တစ်နေရာက Nooka ဒီဇိုင်းစတူဒီယိုလေးမှာ ထုတ်လုပ်အသက်သွင်းလိုက်ကြပါတယ်။

.

ဒီဇိုင်နာ မက်ဒရူးဝေါမင် နဲ့ ဂျပ်စတင်နိတ်ဂါဘပ်ခ်ျ တို့ ရဲ့ ဂျပန်နိုင်ငံရဲ့ အိုရီဂါးမီ စက္ကူခေါက်နည်းအပေါ် ဆင့်ပွားတီထွင်မှုလို့ သိရပါတယ်။ ထီးအဖွင့်အပိတ်ကို ဝင်ရိုးလက်ကိုင်ကနေ ထိန်းချုပ်နိုင်သလို ထီးရွက်ကိုဖွင့်ဖို့ ရွက်ကားစပုတ်တံ တစ်ချောင်းမှ မပါဝင်ပါ။ မသုံးတော့ရင် ထီးရွက်ကို လိပ်ထားလို့ ရပါတယ်။ သုံးမယ်ဆိုရင်လည်း လက်ကိုင်ကနေ ဆန့်တွန်းလိုက်ရုံပါပဲ။

.

 မိုးကြီးလေပါ မြို့ပြမိုးအောက်မှာ ထီးရွက်လန်သွားမှာ ကြောက်စရာမလိုတော့ပါ။ အိုရီးဂါးမီ ရဲ့ စက္ကူအပေါ်သက်ရောက်တဲ့ ဂုဏ်သတ္တိကို တွက်ချက်ပြီးတည်ဆောက်ထားလို့ ထီးဟာ လူကို မိုးထားတဲ့အနေအထားကနေ ပျက်ယွင်းသွားစရာမရှိဘူးလို့ သူတို့ ( ၂ ) ဦး က ရှင်းပြပါတယ်။ သူတို့လည်း အလားတူ ရံပုံငွေစုဆောင်းဆဲဖြစ်ပြီး ထိပ်ဆုံးထွက်လာမယ့် သူတို့ရဲ့ Sa Umbrella ကို ( ၆၉ ) ဒေါ်လာနဲ့ ကြိုတင်မှာကြားနိုင်ပါတယ်။

.

.

တီထွင်မှုရဲ့ အသီးအပွင့်တွေကို အမြဲငံ့လင့်နေတဲ့ အမေရိကား သုံးစွဲသူများ နဲ့ အမှီလိုက် တရုတ်ကျောင်းသားဆန်းသစ်တီထွင်သူများရဲ့ ထီး အပေါ် အသွင်ပြောင်းစိတ်ကူးများကို ကျွန်တော်တို့အားလုံး ကြိုဆိုလိုက်ကြရအောင်လား။

.

koko2yeye@gmail.com

.

Ref: Wired.com and Business Insider
.

" အသစ်ထွင်လိုက်တဲ့ လေ-ထီး နဲ့ ဆာ-ထီး " စာမူသည် ၂ဝ၁၄ နိုဝင်ဘာလ ( ၈ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၅၉ ) ၊ စာမျက်နှာ ( ၄၇ ) တွင် ဖော်ပြပါရှိသည်။ 

Download Link :http://www.mediafire.com/download/lua6qx340ezpea4/Vol.3,_No._59.pdf

လျှော့ဖို့လိုပြီ

.

.

“ ကျွန်တော်ရဲ့ အဓိက ဦးစားပေး ရွေးချယ်မှုဟာ ကြိုးထုံးကြီးလို ရှုတ်ထွေးနေတယ် ”

.

မေး ။          ။ ဘာကို ဆိုလိုတာလဲ ?

.

“ ငွေစု ဖို့နဲ့ ကောလိပ်တက်ဖို့ စစဉ်းစားဖို့ပိုလိုအပ်နေပြီ။ အဝတ်အစားတွေနဲ့ လက်ကိုင်ဖုန်းအသစ်တွေပေါ်မှာ သုံးတဲ့ငွေကို လျှော့ဖို့ လိုပြီ ”

.

Ref: May 31, 2013 Post: Humans of New York

ဘာစားစားပြေးမလွတ်တဲ့ ကုမ္ပဏီ ( ၁ဝ ) ခု

ဆောင်းပါးရှင် - ကိုညီညီ ( တောင်ကြီး )

.

.

အထူးသဖြင့်  အနောက်နိုင်ငံသားတွေ နေ့စဉ် မိးဖိုချောင်ဈေးဝယ်တဲ့ အစားအသောက် ကုန်ပစ္စည်းတွေကို ကမ္ဘာ့ထိပ်တန်း ကုမ္ပဏီ ( ၁ဝ ) ခု က လွှမ်းမိုးထားတယ်လို့ Business Insider က ဆိုပါတယ်။ ပါဝင်တဲ့ မိခင်ကုမ္ပဏီတံဆိပ်တွေက Coca-Cola, Pepsi-Cola, Unilever, Mars, Nestle စတဲ့ ကျွန်တော်တို့နေ့စဉ်မြင်နေကျတွေအပြင် CDanone, Mars, Mondelez International, Kellogg's, General Mills နဲ့ Associated British Foods စသည်တို့ ပါဝင်တယ်။

.

Oxfam International စစ်တမ်းအရ အဆိုပါ ကုမ္ပဏီ ( ၁ဝ ) ခုကို " Big 10 " လို့ခေါ်ဆိုပြီး ဒီစီးပွားရေးလုပ်ငန်းရှင်တွေကြောင့် ပတ်ဝန်းကျင်ထိခိုက်မှု ဘယ်၍ဘယ်မျှ ထိခိုက်တယ်ဆိုတာကို ဆန်းစစ်ဖို့ အကျိုးအမြတ်မယူတဲ့ Nonprofit ကန်ပိန်း အဖြစ် "Behind the Brands" Campaign ကို တည်ထောင် ထားရှိပါတယ်။

.

၂ဝ၁၃ - Oxfam International ရဲ့ တိုင်းထွာတွေ့ရှိချက်အရ Big 10 ဟာ ( ၂၆၃.၇ ) သန်း တန်ချိန် ရှိတဲ့ ကာဘွန်ဖန်လုံဓါတ်ငွေ့ကို ထုတ်လွှတ်တယ်လို့ သိရတယ်။ အကယ်၍ အဆိုပါ ကုမ္ပဏီ ( ၁ဝ ) ပေါင်းခြင်းက နိုင်ငံတစ်နိုင်ငံအနေနဲ့တွက်ကြည့်မယ်ဆိုရင် ကမ္ဘာပေါ်မှာ ပတ်ဝန်းကျင်အညစ်ညမ်းဆုံး အဆင့် ( ၂၅ ) နဲ့ ညီမျှမယ်လို့ တွက်ပြတယ်။

.

ကျွန်တော်တို့ ရွှေမြန်မာများရော ဒီထဲက ဘယ်တံဆိပ်တွေကို သုံးစွဲပါသလဲ?

.

koko2yeye@gmail.com
.
" ဘာစားစားပြေးမလွတ်တဲ့ ကုမ္ပဏီ ( ၁ဝ ) ခု " စာမူသည် ၂ဝ၁၄ နိုဝင်ဘာလ ( ၈ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၅၉ ) ၊ စာမျက်နှာ ( ၄၇ ) တွင် ဖော်ပြပါရှိသည်။ 
Download Link :http://www.mediafire.com/download/lua6qx340ezpea4/Vol.3,_No._59.pdf

နျူကလီးယား အင်ဂျင်နီယာ

ဆောင်းပါးရှင် - ကိုညီညီ ( တောင်ကြီး )

.

.

“ သမီးက မက်ဆာချူးဆက် အင်ဂျင်နီယာကျောင်း - MIT မှာ Nuclear Engineering တက်ချင်နေတာ ”

.

မေး ။          ။ နျူကလီးယားစွမ်းအင် ရဲ့ ဘယ်အရာက သမီးကို စိတ်အဝင်စားဆုံး ဖြစ်စေတာလဲ?

.

“ ဘာမှ မမြင်နိုင်စွမ်းတာကို ကြိုက်တယ်။ ဒီစွမ်းအင်တွေဟာ အဲဒီမှာ ရှိနေတယ်ဆိုတာ ယုံကြည်မှ ရတယ်။ ပြီးတော့ ကိုယ်သိထားတာကို ကိုယ်ယုံကြည်မှ ရတယ် .. အဲဒါတွေကို ကြိုက်တာ ”

.

Ref: June 2, 2013 Post: Humans of New York

ခွဲစိတ်ဆရာဝန်ဘဝ

ဆောင်းပါးရှင် - ကိုညီညီ ( တောင်ကြီး )

.
.
မေး ။          ။ ခွဲစိတ်ကုသမှုပေါင်း ဘယ်နှစ်ခုလောက် လုပ်ပြီးပြီလဲ ?"
.
" ၅ဝဝ - ၆ဝဝ လောက် ရှိပြီ "
.
မေး ။          ။ တစ်ပါတ်ကို ဘယ်နှစ်နာရီလောက် အလုပ်လုပ်တာလဲ ?"
.
" မနက် ( ၅:၃ဝ ) က နေ လုပ်လိုက်တာ ည ( ၇ ) နာရီအထိပဲ။ တစ်ပါတ်ကို ( ၆ ) ရက်၊ တစ်ခါတစ်လေ ( ၇ ) ရက် "
.
Ref: June 5, 2013 Post, Humans of New York

၃၅ မှာ လိုတဲ့အရာ

ဆောင်းပါးရှင် - ကိုညီညီ ( တောင်ကြီး )

.
.
" ကျွန်မ အသက် ( ၂ဝ ) တုန်းက အလုပ်ကောင်းတစ်ခုရဖို့နဲ့ စိတ်ချလုံခြုံမှုရဖို့ စီမံကိန်းဆွဲခဲ့တယ်။ အခု ( ၃၅ ) နှစ်ထဲရောက်ပြီ .. ပျော်ရွှင်မှုရဖို့အတွက် စီမံကိန်း တစ်ခု လိုအပ်နေတယ် "
.
Ref: September 28, 2013 Post, Humans of New York

တစ်ခေတ်ဆန်းလာမည့် Tesla Model D

ဆောင်းပါးရှင် - ကိုညီညီ ( တောင်ကြီး )

.
.
Tesla မော်တော်ကားကုမ္ပဏီဟာ ကားမော်ဒယ်အသစ် Tesla D ကို အောက်တိုဘာလ ( ၉ ) ရက်နေ့မှာ ကြေငြာလိုက်ပါတယ်။ အပြင်ပန်းကြည့်လိုက်ရင်တော့ ယခင်ရောင်းပန်းလှ Model S နဲ့ အမြင်တူနေမှာဖြစ်ပြီး D Model က မော်တာ ( ၂ ) လုံး နဲ့ မောင်းနှင်ပြီး အံ့မခန်းအမြန်နှုန်းနဲ့ မောင်းနှင်တယ်လို့ ညွှန်းဆိုထားပါတယ်။ Model S ကားအကြောင်းသိဖူးထားသူအတွက် အမြင်မထူးနိုင်လှပေမယ့် D Model ဟာ ပါဝါကြီးတဲ့ ( ၄) ဘီးမောင်း All Wheel Drive ဖြစ်ပါတယ်။
.
ထခုန်ဖို့ ဂီယာကြီးဟာ အလွန်အားကောင်းပြီး အမြန်မောင်းတဲ့ ဂီယာဟာလည်း အလွန်ခြေပေါ့တယ်လို့ ရှင်းပြပါတယ်။ ဒီလို အသွင်နှုန်း အမြန်နှုန်းတွေ မြင့်လာပေမယ့် ဂီယာဘောက်အရွယ်အစားကိုတော့ ဆိုဒ်ကြီးမထားပါဘူး။ ဒီလောက်တင်မကသေးပါဘူး .. အသစ်ထွင်လိုက်တဲ့ အော်တိုယာဉ်မောင်းစံနစ် - Autopilot မှာ ကား Speed ကို ချိန်ပေးတဲ့ Cruise Control ကို အဆင့်မြင့်ထားတဲ့ စံနစ်သစ်တစ်ခု ထည့်ထားပါတယ်။
.
.

.
.
Autopilot စံနစ်သုံးမယ်ဆိုရင် ကားဟာ လမ်းဘေးက သတ်မှတ်မိုင်နှုန်း ဆိုင်းဘုဒ်တွေကို အလိုအလျောက်ဖတ်သွားမှာဖြစ်သလို အကွေ့လမ်းတွေကို ယာဉ်မောင်းဟာ လက်လွှတ်ပြီးကွေ့နိုင်မှာဖြစ်တယ်။ လမ်းပေါ်မှာဆွဲထားတဲ့ အဖြူလမ်းကြောင်းကိုထောက်လှမ်းပြီး အလိုအလျောက်မောင်းနှင်ရုံမက လမ်းပြင်နေတဲ့ အဆီးအတားမျိုးတွေရင်လည်း ကားထဲက ဆင်ဆာ က သိနေပါတယ်။ Google Driverless Car လို မောင်းသူမပါတဲ့ပုံစံတော့ မဟုတ်ပါ။
.
ကားရှေ့မှာ သေးငယ်တဲ့အနှောင့်အယှက် ဖြစ်ဖြစ်၊ လမ်းကူးသူ ကလေးအရွယ်၊ ခွေးအရွယ်ပဲဖြစ်ဖြစ် သိနိုင်စွမ်းပြီး ကွန်ပျူတာ ရေဒါအမြင်က ( ၃၆ဝ ) ဒီဂရီထောက်လှမ်းတွက်ချက်နေမှာဖြစ်လို့ လိုအပ်သလို ဘရိတ်အုပ်ပြီး ကားကို အရှိန်လျှော့ ရပ်တန့်စေမှာဖြစ်တယ်။
.
.

.
.
CEO Elon Musk ဟာ ကားပြပွဲမှာ ဂျာနယ်လစ်တွေကို ကားပေါ်တင်ပြီး သတင်းယူနိုင်ဖို့စီစဉ်ပေးခဲ့တယ်။ အီတလီိမိတ် လမ်ဘိုဂီးနီ နဲ့ ပြင်သစ်မိတ် ဘူဂါးတီ တို့ စံချိန်ကိုချိုးပြီး မိုင် ( ၆ဝ ) အရှိန်ကို ( ၃.၂ ) စက္ကန့်အတွင်း ခုန်ထစေမှာဖြစ်တယ်။ ( ၃၈ ) စက္ကန့်အကြာ သရုပ်ပြမောင်းနှင်သူက Autopilot ဖွင့်လိုက်တဲ့အချိန် D ကားရဲ့စွမ်းဆောင်ရည်ကို တွေ့လိုက်ရတဲ့ ဂျာနယ်လစ်တွေ အသက်ရှူမှားသွားခဲ့ကြတယ်။
.
ခေတ်လူငယ် လူကြီးမရွေးကြိုက်နှစ်သက်တဲ့ ဒီဇိုင်းမျိုးဖြစ်ပြီး လူလုံးဝမပါတဲ့ ကားမျိုးမဟုတ်ပါ။ ကိုယ့်အိမ်ရဲ့ ကားဂိုဒေါင်ထဲကို အလိုအလျောက် ပါကင်ထိုးစေချင်ရင် ရသလို အလိုအလျောက်အိမ်ရှေ့မောင်းထွက်လာဖို့ စေခိုင်းလို့လည်း ရပါတယ်။ ဒီအချိန်မှာ ကားတံခါးဖွင့်လိုက်တာနဲ့ ကိုယ်ကြိုက်တဲ့ မြူးစစ် တေးသံသာများနဲ့ အသင့်စောင့်ကြိုနေမယ့် လောင်စာဆီမသုံး ဘက်ထရီကား Tesla D ဖြစ်ပါတယ်။
.
koko2yeye@gmail.com
.
Ref: Business Insider, Photo: Verge

ရတုန်းစုထားမှ နောင်ရေးသေချာ

ဆောင်းပါးရှင် - ကိုညီညီ ( တောင်ကြီး )

.

.

“ ငွေစုပါ။ အလုပ်ကောင်းနေလည်း ငွေစုထားပါ။”

.

“ ဘာဖြစ်လို့လည်းဆိုတော့ အလုပ်ကောင်းဖြစ်ဖြစ်၊ လုပ်သက်ကြာလို့ဖြစ်ဖြစ် ရာထူးအမြင့်ပိုင်းရောက်လာတဲ့အခါ ခင်များတို့ လုပ်ခ လစာ ပိုရလာတယ် မဟုတ်လား? အလုပ်ရှင်တွေဘက်က ဘယ်လောက်ရရ ကရှူးမူးထိုး အလုပ်လိုချင်နေတဲ့ လူငယ်လေးတွေနဲ့ အစားထိုးလိမ့်မယ်။ အဲဒီအချိန်ကျလို့ရှိရင် ဈေးကြီးတဲ့ ခင်များတို့ကို ကန်ထုတ်ကြပြီပေါ့ ”

.

“ ဒါမျိုးက ဒီမြို့မှာ လုပ်နေကျပဲလေ ”

.

Ref: June 13, 2013 Post: Humans of New York

တရုတ်က ကမ္ဘာ့စီးပွားရေးအင်အားအကြီးဆုံး အမေရိက ကို ကျော်တက်သွား

ဆောင်းပါးရှင် - ကိုညီညီ ( တောင်ကြီး )

.

.

စိတ်မရှိပါနဲ့ အမေရိကားရေ .. အပြည်ပြည်ဆိုင်ရာ ငွေကြေးရံပုံငွေအဖွဲ့ - IMF ရဲ့ စာရင်းအရ တရုတ်နိုင်ငံဟာ စီးပွားရေးအတောင့်တင်းဆုံးနေရာကို ရသွားပါပြီ။ အခြေခံမူအားဖြင့် IMF က ပီသုံးလုံး - PPP ( Purchasing Power Parity ) ပေါ်မှာ မူတည်ပြီးတွက်ချက်ပါတယ်။

.

အဓိကဖြစ်စဉ်ကတော့ရှင်းပါတယ်။ ကုန်ဈေးနှုန်းတွေဟာ တစ်နိုင်ငံ နဲ့ တစ်နိုင်ငံမတူနိုင်ပါဘူး။ ရှန်ဟိုင်းမှာ ပေးရတဲ့ ရှပ်အကျီတစ်ထည်ဈေးဟာ ဆန်ဖရန်စစ္စကိုထက် သက်သာတာသေချာပါတယ်။ ရှန်ဟိုင်းသားတစ်ယောက်ရဲ့ ဝင်ငွေဟာ အမေရိကန်တစ်ယောက်ရှာနိုင်တာထက်နည်းပေမယ့် ငွေလဲလှယ်နှုန်းပေါ် တင်ပြီး နှိုင်းယှဉ်လိုက်တဲ့အခါ စီးပွားရေးအဆင်ပြေလို့ ပိုသုံးစွဲလာနှိုင်တာကို တွေ့နိုင်ပါတယ်။

.

လူတစ်ဦးချင်းဝင်ငွေ - GDP နဲ့ သုံးစွဲနိုင်မှုအင်အား - PPP တို့ ပြောင်းလဲမှု ဂရပ်အရ IMF က ဒီလို အကဲဖြတ်ခဲ့တာ ဖြစ်ပါတယ်။ ၂ဝ၁၄ စာရင်းမှာ တရုတ်နိုင်ငံဟာ GDP ( ၁၇.၆၃၂ ) ထရီလျံဒေါ်လာပေါ်မှာ သုံးစွဲမှု ( ၁၆.၄၈ ) ရာခိုင်နှုန်းရှိခဲ့ပြီး အမေရိကန်နိုင်ငံက GDP ( ၁၇.၄၁၆ ) ထရီလျံဒေါ်လာပေါ်မှာ သုံးစွဲမှု ( ၁၆.၂၈ ) ရာခိုင်နှုန်းသာရှိခဲ့ရာက ဒီလို ဇာတ်ကြောပြောင်းလာတာဖြစ်ပါတယ်။

.

တစ်ချိန်မှာဖြစ်လာမယ်လို့ တွက်ချက်ထားခဲ့ကြလို့ ဒီသတင်းဟာ အမေရိကန်အတွက် ရင်နာစရာသတင်းတော့ မဟုတ်ပါဘူး။ အစစ အရာရာ ကျောသွားနိုင်ဖို့ နောက်ကဏ္ဍတစ်ခုကျန်ပါသေးတယ်။ ငွေကြေးခိုင်မာမှု ဈေးကွက်မှာ တရုတ်နိုင်ငံဟာ အမေရိကားရဲ့ နောက်ကနေ ( ၆.၅ ) ထရီလျံ လျော့နည်းနေသေးတာမို့လို့ ဒီအခြေအနေဟာ ရုတ်တရက်ကြီး ကျော်တက်သွားဖို့ လွယ်တဲ့အရာတစ်ခုတော့ မဟုတ်ပါဘူး။

.

koko2yeye@gmail.com

.

Ref: Business Insider

အကြော်ထုတ်ဖောင်နဲ့ ကူးခတ်လို့လှော်

ဆောင်းပါးရှင် - ကိုညီညီ ( တောင်ကြီး )

.

. 

ဖောင်းပွပွ အာလူးကြော်ထုပ်တွေကို ဖောက်စားဖူးပါသလား? အိတ်ကိုဖွင့်လိုက်တဲ့အခါ လေပါဝင်မှု ဘယ်လောက်ရှိတယ် ထင်ပါသလဲ? ဒီအဖြေတွေကိုပေးဖို့ တောင်ကိုးရီးယား ကောလိပ်ကျောင်းသား ( ၂ ) ယောက်က ကြိုးစားထားပါတယ်။

.

.

ကျောင်းသားတွေဟာ မဖောက်ရသေးတဲ့ အာလူးကြော်အထုတ် ( ၁၆ဝ ) ကို သူတို့ ( ၂ ) ယောက်ကို သယ်ဆောင်နိုင်လောက်တဲ့ ဖောင်အရွယ်အစားအထိ ဖန်တီးပြီး အချင်း ( ဝ.၈ ) မိုင် ရှိတဲ့ ဟန်မြစ်ကို ဖြတ်ကူးပြခဲ့တယ်။ ဟုတ်လည်းဟုတ်ပါတယ် .. လေထုတ်တွေကို ဖြန့်ကျက်ပြီး ကူရှင်သဖွယ် အသွင်ပြောင်းထားတဲ့ အာလူးကြော်ထုတ်တွေဟာ လူ ( ၂ ) ယောက် အလေးချိန်ကို အသာလေး မ,ထားပြီး မြစ်တစ်ဖက်ကမ်းကို ပို့ပေးနိုင်ခဲ့တယ်။

.

.

ဒါကို ကြည့်ခြင်းအားဖြင့် အဆိုပါ အကြော်ထုတ်တွေမှာ အစားအသောက်က ၃ ပုံ ၁ ပုံ သာ ပါဝင်ပြီး ဖောင်းကြွရုပ်လှဖို့ လေ က ၃ ပုံ ၂ ပုံ ပါဝင်တာ သက်သေပြနိုင်ခဲ့လို့ Gizmodo အင်တာနက် စာမျက်နှာမှာရေးပါတယ်။

.

.

ပိုစိတ်ဝင်စားစရာကောင်းတာက ပွင့်လင်းမြင်သာတဲ့ သတင်းလွတ်လပ်ခွင့်ရတိုင်းပြည်တွေရဲ့ ထုံးစံအတိုင်း စာမျက်နှာအောက်က မှတ်ချက်များဖြစ်ပါတယ်။ ဒီအထဲက အနည်းအကျဉ်းကို ဖော်ပြရရင် တစ်ယောက်က အဲဒီအထုတ်တွေထဲမှာပါတာ သာမန်လေမဟုတ်ဘူး … နိုက်ထရိုဂျင်ဓါတ်တွေ ဖြစ်ပါတယ်။ နိုက်ထရိုဂျင် ရဲ့ ဂုဏ်သတ္တိအရ အထုတ်ကို ဖောင်းစေရုံမက အထဲကအကြော်တွေကို ပျင်းတွဲမသွားပဲ စားတဲ့အခါ ကြွပ်ရွနေအောင် လုပ်ပေးပါတယ်။ အသင့်စားအရွက်သုပ် Salad လို ဗူးတွေမှာလည်း ဒီဓါတ်ငွေ့ပါဝင်တယ်လို့ comment ပေးပါတယ်။

.

.

နောက်တစ်ဦးဝင်ဆွေးနွေးတာက ဒီလိုလေဖောင်းရတာဟာ စားသုံးသူဆီကို အကြော်တွေ မကျိုးမပဲ့စေဖို့ သုံးတဲ့ နည်းစံနစ်ဖြစ်တယ် .. ဒါမျိုးမှ ဖောက်မစားချင်ရင် တစ်ထုတ်လုံးကြေမွနေတဲ့ အာလူးကြော်တွေ၊ ပဲကြီးလှော်လို ထုတ်ထားတဲ့ အကြေထုတ်တွေ ဝယ်စားပေါ့ ဆိုပြီး ပြန်ချေထားပါတယ်။

.

.

ဒီနေရာမှာ စီးပွားရေးသမား နဲ့ စားသုံးသူတို့ အလွမ်းသင့်အဆင်ပြေနေပေမယ့် မိဘပြည်သူတွေ မတရား မခံစားရလေအောင် သက်သေပြလိုတဲ့ တောင်ကိုးရီးယား ကောလိပ်ကျောင်းသားတို့ရဲ့ စွန့်စားမှု နဲ့ သတ္တိကို တွေ့မြင်လိုက်ရပါတယ်။

.

koko2yeye@gmail.com

.

Ref: Gizmodo.com
.

" အကြော်ထုတ်ဖောင် နဲ့ ကူးခတ်လို့လှော် " စာမူသည် ၂ဝ၁၄ နိုဝင်ဘာလ ( ၂၂ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၆၁ ) ၊ စာမျက်နှာ ( ၄၇ ) တွင် ဖော်ပြပါရှိသည်။ 

Download Link :http://www.mediafire.com/download/05s814wqjgi579v/Vol+3%2C+No.61.pdf

ဗီဇာ

ဆောင်းပါးရှင် - ကိုညီညီ ( တောင်ကြီး )

.

.

“ ဗီဇာကိစ္စက လုပ်ရတာကြာပြီးတော့ စိတ်ရှုတ်ဖို့အရမ်းကောင်းတာပဲ။ အဲဒီအကြောင်းသိပြီးတဲ့နောက်မှာ အလုပ်ကို အာရုံစိုက်ဖို့ တော်တော်ခက်လာတယ်။ နောက်ဆုံးမှာ ကျွန်မကို ပြန်ပို့တော့မယ်ထင်တယ် ”

.

Ref: June 30, 2013 Post: Humans of New York

၂ဝ၁၄ သြဂုတ်လ ကားစစ်တမ်းဒေတာ

ဆောင်းပါးရှင် - ကိုည်ီညီ ( တောင်ကြီး )

.

.

ကားသစ်ဝယ်သူတွေမှာ ရွေးချယ်စရာများလွန်းလို့ မျက်စိလည်စရာပါ။ မိသားစုအားလုံး ဆန့်ပါ့မလား? ဆီစားသက်သာရဲ့လား? ပိုအလေးထားစဉ်းစားစရာတစ်ခုက ကားပြင်ရင် ဘယ်လောက်ကုန်မှာလဲ? စတဲ့အခက်အခဲတွေကို ပြေလည်စေဖို့  အချက်အလက်များစွာပေါ်မူတည်ပြီး ကားစီးသူများ စိတ်ချမ်းသာစွာရွေးနိုင်အောင် ဇယားနဲ့တကွတင်ပြလိုက်ပါတယ်။

.

.

Cars.com ရဲ့ စိတ်အေးချမ်းသာ ကားဖွေရှာဇယားက သုံးစွဲသူတွေ နဲ့ အယ်ဒီတာတွေရဲ့ ပိုင်နိုင်တဲ့သုံးသပ်ချက်တွေအရ ထွက်ပေါ်လာတာပါ။ ပြီးတော့ ကားရဲ့ တာရှည်ခံနိုင်မှု၊ ပြုပြင်ထိန်းသိမ်းစားရိတ်နည်းပါးမှု နဲ့ အားကောင်းမောင်းသန် အာမခံတွေပေါ်အခြေခံထားပါတယ်။ ယုံကြည်ရတဲ့အရင်းအမြစ်တွေဖြစ်တဲ့ J.D. Power and Associates နဲ့ Consumer Reports တို့က ( ၅ ) နှစ်စာ ကားပြင်စားရိတ် နဲ့ ကားစက်ရုံကပေးထားတဲ့ အာမခံတွေအပေါ်တွက်ချက်ပြီး အဆိုပါ ကိန်းဂဏန်းတွေကို ပေးပါတယ်။ ဒါ့အပြင် ကား အစမ်းတိုက်ကြေစမ်းသပ်မှုတွေမှာ တောင့်တင်းတဲ့ ကားတွေကိုပဲ ရွေးထားပါတယ်။ ကောင်းပေ့ဆိုတဲ့ကားဟာ ( ၄၂၅ ) မှတ်ထိပေးထားနိုင်ပြီး ပြီးပြည့်စုံတဲ့ ဒေတာဇယားဖြစ်ဖို့ အတတ်နိုင်ဆုံး ကြိုးစားထားတယ်လို့ ဆိုထားပါတယ်။ 

.

.

နံပါတ်စဉ် ( ၅ ) မှာ ပါဝင်တဲ့ တိုယိုတာ ကင်မရီ ဟိုင်းဘရစ် ဟာ တော်တော်အကြောမာတဲ့ကားလို့ပြောလို့ရသလို ( ၂ဝ၁၅ ) မော်ဒယ်ဟာလည်း ကားပြခန်းတွေထဲကို ရောက်နေပါပြီ။

.

.

အထက်ပါစာရင်းအရ နံပါတ် ( ၁ ) ဂျပန်ကားထုတ်လုပ်သူ တိုယိုတာ က ( ၁၅ ) နေရာမှာ ( ၁ဝ ) နေရာပါဝင်ခဲ့ပြီး ဟွန်ဒါက ( ၃ ) နေရာချိတ်ပါတယ်။ အမေရိကန်ကား GM က ( ၂ ) မျိုး စာရင်းချိတ်ပြီး အမြင့်ကား - SUV တွေချည်း ဖြစ်ပါတယ်။

.

.

မှတ်ချက် ။          ။ Lexus တံဆိပ်ဟာ Toyota ခြံမွေး ဇိမ်ခံကားဖြစ်ပြီး Acura တံဆိပ်ကတော့ ဒီဇိုင်းအမြဲအသစ်ထွင်တဲ့ Honda ပိုင် ဖြစ်ပါကြောင်း။

.

koko2yeye@gmail.com

.

Ref : Yahoo Autos

" ၂ဝ၁၄ သြဂုတ်လ ကားစစ်တမ်းဒေတာ " စာမူသည် ၂ဝ၁၄ အောက်တိုဘာလ ( ၁၈ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၅၆ ) ၊ စာမျက်နှာ ( ၄၇ ) တွင် ဖော်ပြပါရှိသည်။ 
Download Link :http://www.mediafire.com/download/7r0mqi214lym3j9/Vol.+3%2C+No.+56.pdf

https://autos.yahoo.com/news/what-s-the-most-worry-free-car-you-can-buy-002459841.html

ဘီလျံနာတွေမွေးထုတ်ပေးတဲ့ ထိပ်တန်းတက္ကသိုလ် ( ၂ဝ )

ဆောင်းပါးရှင် - ကိုညီညီ ( တောင်ကြီး )

.

.

ကမ္ဘာမှာ တစ်ခြားတက္ကသိုလ်တွေထက်စာရင် ဘီလျံနာတော်တော်များများဟာ ပင်ဆန်ဗေးနီးယားတက္ကသိုလ် ကို တက်ရောက်ခဲ့ကြတယ်ဆိုတာ Wealth-X ရဲ့ ဘီလျံနာစာရင်း အရ သိရှိရပါတယ် ( ၂ဝ၁၄ )။

.

.

အမေရိကန်နိုင်ငံကိုတည်ထောင်သူ ဖခင်ကြီး ဘန်ဂျမင် ဖရန်ကလင် ပနက်ရိုက်ခဲ့တဲ့ University of Pennsylvania မှာတင် ( ၂၅ ) ဦးသော ဘီလျံနာတွေ ပေါ်ထွန်းခဲ့တယ်။ တစ်ခြား မတိမ်းမယိမ်းကိန်းဂဏန်းတွေနဲ့နောက်ကလိုက်နေတဲ့ တက္ကသိုလ်တွေကတော့ ဟားဗတ် က ( ၂၂ ) ဦးနဲ့ ယေးလ် က ဦးရေ ( ၂ဝ ) စီ ဖြစ်ကြတယ်။

.

.

အောက်မှာ ဘီလျံနာတွေကို မွေးထုတ်ပေးလိုက်တဲ့ တက္ကသိုလ်စာရင်းနဲ့ ဦးရေတို့ကို ပူးတွဲတင်ပြလိုက်ပါတယ်။

.

.

1. University of Pennsylvania — 25

2. Harvard University — 22

3. Yale University — 20

4. University of Southern California — 16

5. Cornell University — 14

5. Princeton University — 14

5. Stanford University — 14

8. University of California, Berkeley — 12

8. University of Mumbai (India) — 12

10. London School of Economics (United Kingdom) — 11

10. Lomonosov Moscow State University (Russia) — 11

12. Dartmouth College — 10

12. University of Michigan — 10

12. University of Texas — 10

15. Duke University — 9

15. New York University — 9

17. Brown University — 8

17. Columbia University — 8

19. Massachusetts Institute of Technology — 7

20. Eth Zurich (Switzerland) — 6

.

.

Wealth-X Listing စာရင်းအရ နံပါတ် ( ၅ ) နဲ့ ( ၁၂ ) နေရာမှာ တက္ကသိုလ် ( ၃ ) ခုစီ၊ နံပါတ် ( ၈ )၊ ( ၁ဝ )၊ ( ၁၅ ) နဲ့ ( ၁၇ ) နေရာတွေမှာ တက္ကသိုလ် ( ၂ ) ခုစီထပ်ပြီး လက်ရည်တူနေတာကို ထူးခြားစွာတွေ့မြင်ရတယ်။

.

.

ယမန်နှစ်က ဟားဗက်တက္ကသိုလ်က ဘီလျံနာ ( ၅၂ ) ဦးနဲ့ ဦးဆောင်ခဲ့တာဖြစ်ပြီး ပင်ဆန်ဗေးနီးယားတက္ကသိုလ် က ( ၂၈ ) ဦးနဲ့ ဒုတိယနေရာက လိုက်နေခဲ့တာဖြစ်ပါတယ်။

.

koko2yeye@gmail.com

.

Ref: Business Insider

"  ဘီလျံနာတွေမွေးထုတ်ပေးတဲ့ ထိပ်တန်းတက္ကသိုလ် ( ၂ဝ ) " စာမူသည် ၂ဝ၁၄ အောက်တိုဘာလ ( ၄ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၅၄ ) ၊ စာမျက်နှာ ( ၄၇ ) တွင် ဖော်ပြပါရှိသည်။ 

Download Link :http://www.mediafire.com/download/h692uck93or28kl/Vol._3,_No._54.pdf