 |
| ဆောင်းပါးရှင် - ကိုညီညီ ( တောင်ကြီး ) |
.
.
လူငယ်လေးတစ်ယောက်ဟာ
မျက်မမြင်တွေ စာဘယ်လိုဖတ်သလဲဆိုတာ စတင်စိတ်ဝင်စားမိတဲ့အချိန် သူ့ဘဝ အသွင်ဘယ်လိုပြောင်းသွားလိမ့်မယ်ဆိုတာတော့
သတိထားမိခဲ့ဟန်မတူပါဘူး။ တစ်ခြား ( ၇ ) တန်းကျောင်းသားတွေလိုပဲ သူ့မိဘတွေကိုမေးကြည့်တယ်။
ဖခင်က မအားတဲ့အခါ “ မင်းသိချင်ရင် ဂူးဂဲလ် မှာ ရှာကြည့် - Go Google it ” လို့ တစ်ခွန်းတည်း
ပြောခဲ့တယ်။
.
သူငယ်လေးဟာ
အင်တာနက်ပေါ်မှာရှာရင်း မျက်မမြင်ပရင်တာ တစ်လုံးကို ဒေါ်လာ ( ၂ဝဝဝ ) ကျော် ဈေးရှိနေတာတွေ့ရတော့
တော်တော်အံ့သြသွားတယ်။ တစ်လက်စထဲ မျက်မမြင်စာရေးစံနစ် - Braille ကိုလေ့လာခွင့်ရခဲ့ပြီး
အမြင်အာရုံချွတ်ယွင်းသူတွေအတွက် အထူးစီမံထားတဲ့ Tactile Writing System အကြောင်း အသေးစိတ်အာရုံစိုက်မိသွားတယ်။
.
သူ့နာမည်က
ရှပ်ဟန်ဘနာဂျီး - Shubham Banerjee လို့ခေါ်ပြီး အသက် ( ၁၃ ) နှစ်သာ ရှိပါသေးတယ်။ ရှပ်ဟန်
ဟာ သူငယ်ငယ်တုန်းကလက်ဆောင်ရထားတဲ့ လက်ဂို - Lego အရုပ်ဆက်တုံးလေးတွေကို ပြေးသတိရမိပြီး
Lego Mindstorms EV3 ထဲကပါတဲ့ ပစ္စည်းအပိုင်းအစလေးတွေနဲ့ ကွန်ပျူတာထိန်းချုပ်ပုံနှိပ်စက်
တစ်ခုကို စတင် ပုံဖော်တပ်ဆင်ပါတဲ့အခါ စက်ကလေးက ကောင်းမွန်စွာအလုပ်လုပ်ပါတယ်။
.
ဒီစက်ကလေးဟာ ၂ဝ၁၄ နည်းပညာဆု - The Tech Awards
2014 ဆု ရခဲ့တဲ့အပြင် သမ္မတဘရက်အိုဘားမား ကျင်းပတဲ့ အိမ်ဖြူတော်-ဖန်တီးထုတ်လုပ်သူများပွဲတော်
- White House Maker Faire ကိုတက်ရောက်ဖို့ ကျောင်းသားတီထွင်သူအနေနဲ့ ဖိတ်ကြားခံခဲ့ရတယ်။
ဒီစက်ကလေးရဲ့တန်ဖိုးကို ဒေါ်လာ ( ၃၆ဝ ) လောက်အထိ လျှော့ချနိုင်မှာဖြစ်ပြီး ကမ္ဘာတစ်လွှားက
အမြင်အာရုံချွတ်ယွင်းသူ ( ၂၈၅ ) သန်းကို ကူညီနိုင်တော့မှာဖြစ်တယ်။
.
.
.
.
ရှပ်ဟန် ရဲ့ သတင်းကို ကြားပြီး ဆက်သွယ်လာသူက ကမ္ဘာ့နံပါတ်
( ၁ ) ကွန်ပျူတာမှတ်ဥာဏ်ထုတ်လုပ်သူ Intel ပါ။ ယခုနှစ်မှာ ရင်းနှီးမြှုပ်နှံခဲ့တဲ့ ကုမ္ပဏီအသစ်
( ၁၆ ) ခု ထဲမှာ ရှပ်ဟန် ရဲ့ Braigo Inc. လည်းပါဝင်ပြီး Intel ကျင်းပတဲ့ The Intel
Capital Global Summit ပွဲမှာ ရှပ်ဟန် ကို ပွဲထုတ်မိတ်ဆက်ခဲ့တယ်။ ဒီလောက်ကြီးကျယ်တဲ့
ကမ္ဘာ့ကုမ္ပဏီကြီးက သူ့စီမံကိန်းအတွက် ရင်းနှီးမြှုပ်နှံလိမ့်မယ်လို့ ထင်မထားခဲ့မိတဲ့အတွက်
အင်မတန်အံ့သြရတဲ့အကြောင်း ရှပ်ဟန်က သူရင်ခုန်ရပုံကို ပြန်ပြောင်းပြောပြတယ်။
.
ရှပ်ဟန် က “ ကျွန်တော်ကြီးလာရင် ကျန်းမာရေးနယ်ပယ်မှာ
အင်ဂျင်နီယာဘာသာရပ်နဲ့ အကျိုးပြုချင်တယ် ” ၊“ ပြီးတော့ ကျွန်တော် ကျောင်းပြီးအောင်တက်မယ်
” ၊ “ လို့ ဆိုပါတယ်။
.
နောက်ပြီး ထုတ်လုပ်သူ နည်းပညာကုမ္ပဏီတွေကို “ ခင်များတို့ဟာ
အမြင်အာရုံချွတ်ယွင်းနေသူတွေပေါ်မှာ ဒီလောက်ဈေးကြီးကြီး နဲ့ အခွင့်အရေးမယူသင့်ပါဘူး
” လို့ ထပ်မံပြောကြားလိုက်ပါတယ်။
.
( မှတ်ချက်။ ။ Shubham ရဲ့ ကုမ္ပဏီ Braigo Inc. ဟာ မျက်မမြင်ပုံနှိပ်နည်းပညာရေးခဲ့သူ
- Braille နဲ့ သူတီထွင်စဉ်ကသုံးခဲ့တဲ့ လက်ဂို - Lego စာလုံး ( ၂ ) ခုကို ပေါင်းစပ်အမည်ပေးထားတာဖြစ်ပါကြောင်း
)
.
.
Ref: Business Insider, https://www.facebook.com/BraigoPrinter
“ ( ၁၃ ) နှစ်သား Braigo Printer ထပ်ဆင့်တီထွင်သူ ” စာမူသည် ၂ဝ၁၄ ဒီဇင်ဘာလ ( ၂ဝ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၆၅ ) ၊ စာမျက်နှာ ( ၄၇ ) တွင် ဖော်ပြပါရှိသည်။
No comments:
Post a Comment