ကိုညီညီ ( တောင်ကြီး ) မြန်မာပြန် နည်းပညာ သတင်းတိုများ: Michael Kors က အမိုက်စား မဟုတ်တော့ပါ

ဆောင်းပါးရှင် - ကိုညီညီ ( တောင်ကြီး )

Michael Kors ဟာ သူ့ရဲ့အတောက်ပဆုံးအချိန်ကို ကျော်လွန်သွားပြီထင်ပါတယ်။ လွန်ခဲ့တဲ့နှစ်အနည်းငယ်က ဖက်ရှင်အထင်ကရ ကုန်အမှတ်တံဆိပ် MK ဟာ လက်ရှိမှာ စီးပွားရေးအကြပ်အတည်းနဲ့ ရင်ဆိုင်နေရပါပြီ။ ကုမ္ပဏီရဲ့ အားပျော့လှတဲ့ နှစ်ပတ်လည်အစီရင်ခံစာထွက်လာအပြီးမှာ သူ့ရဲ့ စတော့ပိုင်ဆိုင်မှုဈေးကွက် ထိုးကျသွားရုံမက အနာဂါတ်အတွက် ရင်လေးစရာတွေ ဖြစ်လာနိုင်မလား သုံးသပ်ကြည့်ပါမယ်။

( ၂ဝ၁ဝ ) ရဲ့ ရှေ့နှစ်ပိုင်းခြားတွေမှာ “ MK ” ဆိုရင် လူသိပ်မသိသေးပါဘူး။ တစ်ဖြည်းဖြည်းနဲ့ အမျိုးသမီးတွေ ဂုဏ်တုဂုဏ်ပြိုင် ဝတ်ဆင်ကြရင်း ဈေးကြီးလှတဲ့ ပုံစံဆန်းပိုက်ဆံအိတ်ပေါ် အမှတ်တံဆိပ်တွေမှာ MK ရဲ့ နေရာအပြည့်ယူလာတဲ့ “ ခပ်မိုက်မိုက်အတက်ကြမ်းပုံစံ - Stunning Rise ” ကို ပြိုင်ဖက်လက်ကိုင်အိတ်ထုတ်လုပ်သူများ သွားရေကျခဲ့ရပါတယ်။

ပြီးခဲ့တဲ့နှစ်ထက် ရှယ်ယာ ( ၃၇% ) ကျဆင်းသွားတယ်။ ဖက်ရှင်အကဲဖြတ်အဖွဲ့ မော်ဂင်စတင်လေ - Morgan Stanley က “ အကြံအကောင်းဆုံးစာရင်း - Best Ideas List ” ကနေ ဖြုတ်ချခဲ့တယ်။ ဒီထက်ဆိုးတဲ့ ထိုးနှက်ချက် ရှိပါဦးမလား? သုံးသပ်ချက်တွေအရ ( ၁ ) MK ကို လူတိုင်းဝတ်လာကြတယ် ( ၂ ) ပစ္စည်းတွေ ဂိုဒေါင်ထဲမှာပုံနေတယ် ( ၃ ) ဈေးကွက်ဗျူဟာအရ ကိုယ့်ကိုယ်ကိုယ် မီးတင်ရှို့နေတယ် လို့ သတင်းတွေမှာ ရေးကြတယ်။

MK ကို လူတိုင်းဝတ်နေကြတော့ သူသူငါငါ မထူးခြားတော့ဘူး။ ပြိုင်ဆိုင်မှုတွေမှာ ဘက်တူနေပြီး နောက်ဆုံးပေါ်ဈေးကြီးတာဝယ်သုံးရင်း ပိုက်ဆံအိတ်အသစ် လက်ထဲရောက်လာရင် ဒီဇိုင်းကို မကြိုက်တော့ဘူး။ တစ်ပုံစံတည်းကို ဟိုနားလေးအရောင်ပြောင်း၊ ဒီနားလေးချုပ်ရိုးပြောင်း နဲ့ ပျိုတိုင်းကြိုက်တဲ့နှင်းဆီခိုင်ဒီဇိုင်း မဖြစ်လာနိုင်တော့တာ သဘာဝကျပါတယ်။

ရောင်းအားကျလာတော့ ပစ္စည်းတွေ ဂိုဒေါင်ထဲမှာပုံနေတယ်။ ဒါကပိုပြီးတော့တောင်သဘာဝကျလိုက်သေး..။ ဒီလိုပုံလေလေ နောက်ဒီဇိုင်းနဲ့အမှီလိုက်ရတဲ့ မမြဲတဲ့ဖက်ရှင်လောကအဘိဓာန်ကြောင့် ပိုထုတ်သမျှ ဂိုဒေါင်ထဲကိုသာ ထပ်ပို့ရပါတယ်။ ဒီနှစ်မှာ Michael Kors ရဲ့ ဂိုဒေါင်သိပ်ထားရတဲ့ကုန်ပစ္စည်းဟာ ( ၆၅% ) တိုးလာတယ်။ ကုမ္ပဏီဖက်ကတော့ ဒါဟာ မကြာခင်ရောင်းကုန်သွားလိမ့်မယ်လို့ပြောနေပေမယ့် ဒေါ်လာ ( ၃ဝဝ ) တန် ပိုက်ဆံအိတ်ကို ဘယ်နှစ်လုံးဆက်တိုက်ဝယ်နိုင်မှာတဲ့လဲ? ဒီအပုံကြီးကိုကုန်အောင်ရောင်းရမယ့် အရောင်းကိုယ်စားလှယ်ကြီးများကတော့ လွန်ခဲ့တဲ့ ( ၁ဝ ) နှစ်လောက်က ဒီပုံစံနဲ့ခပ်ဆင်ဆင် တိမ်မြုပ်သွားခဲ့တဲ့ Tommy Hilfiger တံဆိပ်ကိုပဲ မြင်ယောင်နေကြတယ်။

အထက်တန်းစားသုံး၊ အလယ်တန်းစားသုံး သာမက လျှော့ဈေးအတန်းအစားအထိပါ ဆင်းထုတ်တဲ့ MK ဟာ သူ့ကိုယ်သူ မီးတင်ရှို့နေတာနဲ့ တူလာနေပါတယ်။ ပြိုင်ဖက်တွေကတော့ ကြည့်ကောင်းကောင်းနဲ့ စောင့်ကြည့်နေကြတယ်။ MK ရဲ့ မတူညီတဲ့ အရောင်းဖော်မြူလာ - Strategy အချင်းချင်း အဖျားခတ်ပြီး ရှော့ ဖြစ်ရုံမက ထိပ်ဆုံးကကွမ်းတောင်ကိုင်တံဆိပ် ကြာကြာမခံတော့တာ ကြိတ်ဝမ်းသာနေကြတယ်။ နာမည်ကြီးစတိုးတွေမှာ ဒေါ်လာ ( ၃ဝဝ ) ပိုက်ဆံအိတ်တစ်လုံးကိုပဲ MK လျှော့ဈေးစက်ရုံဒါရိုက်ဆိုင် - MK Outlet Discount Mall မှာ တစ်ဝက်ဈေးနဲ့ရနိုင်တယ်လေ။ ဒီတော့ ပိုက်ဆံအိတ်ဘေးမှာကပ်ထားတဲ့ ဈေးနှုန်း - Price Tag ကို မယုံကြည်မှုက ယိုင်လဲဖို့အကြောင်းရင်းရဲ့ ထိပ်ဆုံးမှာ ရှိနေပါတယ်။

နောက်ထပ် အားနည်းချက်တစ်ချို့က သုံးစွဲသူ မမတွေရဲ့စိတ်ကို တိမ်းညွတ်စေမှု လျော့ပါးလာစေလို့ပါပဲ။ အမျိုးသမီးတွေက ပိုက်ဆံအိတ်ထက် “ တံဆိပ် - Brand ” နဲ့ “ ကျော်ကြားမှု - Reputation ” ကို ငွေပိုပေး ဝယ်နေကြတယ်။ ဒီငွေတွေကနေ MK က အသစ်ထွင်တယ်။ အသစ်ထွက်တော့ အမျိုးသမီးတွေက ထပ်ဝယ်တယ်။ ဒီလိုနဲ့သံသရာလည်ရင်း နောက်ဆုံးမှာ “ MK သုံးလာတာကြာပြီ တစ်ခြားတံဆိပ်ဘာရှိသေးလဲ ? ” ဆိုပြီး ပိုသစ်တာတွေ ရှာလာတယ်။

ဒီလို အကောင်းစားတွေကိုမှသုံးတဲ့ ပရိသတ်မရှိတော့ရင် ( အကောင်းစား ) ကြော်ငြာသုံး၊ ( အကောင်းစား ) ဒီဇိုင်းထွင်၊ ( အကောင်းစား ) ဈေးတင်ရောင်း စတဲ့ အကောင်းစား-စားရိတ်ပရီမီယမ်ကြေး - Premium ကို ဘယ်သူကပေးမှာလဲ?

ပြောရမယ်ဆိုရင်တော့ နဂိုကတည်းက ဖက်ရှင်လောကရဲ့ဆွဲဆောင်မှု ပုံရိပ်ယောင် - Illusion ကို မသိလိုက်ဖာသာ လိုက်ပါလာရင်း လက်ပန်းကျလာခြင်းရဲ့ အကျိုးဆက်လို့ မြင်ပါတယ်။ ဟုတ်ပါတယ် .. စဉ်းစားကြပါဦး .. Michael Kors ဟာ အမိုက်စားမဟုတ်တော့ပါဘူး..။

koko2yeye@gmail.com

ရည်ညွှန်းကိုးကား - Business Insider

" Michael Kors က အမိုက်စားမဟုတ်တော့ပါ " စာမူသည် ၂ဝ၁၅ ဂျွန်လ ( ၁၃ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၈၉ ) ၊ စာမျက်နှာ ( ၅၁ ) တွင် ဖော်ပြပါရှိသည်။

Download : http://www.mediafire.com/download/b88i5ku1pvix9i7/NetGuide+Vol3%2C+Issue+89.pdf