ရက်လွန်ကဒ်ပြားဒုက္ခပေးလေသောအခါ

မြန်မာမှုပြုသူ - ကိုညီညီ ( တောင်ကြီး )

.

တစ်ရက်တော့အိမ်မှာနေတုန်း ကျုပ်နေတဲ့အပါ့မင့် - Apartment တန်းလျားမှာ တစ်ခြားလူငယ် ( ၂ ) ယောက် ရန်ထဖြစ်ကြတယ်။ ဒါနဲ့ ရဲတွေရောက်လာရော။ ထုံးစံအတိုင်း မှတ်ပုံတင် ID တွေ ဘာတွေစစ်ကြတာပေါ့။

.

 ဖြစ်ချင်တော့ ကျုပ်ရဲ့ Green Card သက်တမ်းလွန်နေတာ ရဲက တွေ့သွားတယ်။ တိုတိုပြောရရင် ကျုပ်ကို အချုပ်ထဲခေါ်သွားတယ်ပေါ့ဗျာ။ သက်တမ်းမတိုးထားမိတာ ကျုပ်အပြစ်ပါ။ ဒါပေမယ့် ချုပ်ထားတာသိပ်မကြာပဲ လွှတ်ပေးလိမ့်မယ်လို့ ကျုပ်ထင်ထားခဲ့တယ်။

.

.

ရှေ့နေငှားဖို့ ကျုပ်မတတ်နိုင်ဘူး။ တစ်ကယ်လည်း အစိုးရစီစဉ်ပေးတဲ့ရှေ့နေလည်းရရော ထောင်ထဲမှာနှစ်နဲ့ချီပြီး အမှုရင်ဆိုင်ရမယ်လို့ ရှေ့နေမ က ပြောတယ်။ မယုံနိုင်စရာဗျာ..။ တရားသူကြီးရှေ့မှာ ကျုပ် ( ၄ ) ကြိမ်တိတိ လျှောက်လဲခဲ့တယ်။

.

အစတော့ အမှုဆွဲတင်ပြီး အမှုသွား အမှုလာကိုစစ်တယ်။ နောက်တော့ အမှုကို ရက်ချိန်းအမျိုးမျိုးနဲ့စစ်ပြီး စီရင်ချက်ချတဲ့အဆင့်ရောက်လာတယ်။ ဒါပေမယ့် ရုံးချိန်းတစ်ခုနဲ့တစ်ခုကြားမှာ လနဲ့ချီပြီးစောင့်ရပြန်တယ်။ ကျုပ်လေ .. ငယ်ငယ်တုန်းက နည်းနည်းပါးပါးမှားခဲ့တာကလွဲပြီး ဒီလိုဒုက္ခမျိုး တစ်ခါမှမကြုံဖူးခဲ့ဘူး။

.

.

ဒါပေမယ့်ဗျာ .. ကျုပ် ထောင်ထဲမှာ ( ၁၈ ) လ နေခဲ့ရတယ်။ ကျုပ်အပြစ်ပါ။ ဒီ Green Card ကို အစောကြီးကတည်းက သက်တမ်းတိုးခဲ့ရမှာ..။

.

ခင်မင်ခြင်းများစွာဖြင့်

.

07-27-2015

.

Source: Humans of New York: 07-27-2015

အပေါင်းအသင်းမမှားခဲ့ရင် ကောင်းမှာ ..

မြန်မာမှုပြုသူ - ကိုညီညီ ( တောင်ကြီး )

.

နယူးယောက်မြို့ ဟာလမ်အရပ်မှာနေတဲ့ကျွန်တော်ဟာ သူများဘာလုပ်လုပ် ပုံတူကူးချတာတော့ အရမ်းကျွမ်းတယ်။ ( ၄ ) တန်းအထိ ကျွန်တော်ဟာ စာတော်တဲ့ကျောင်းသားတစ်ယောက်ပဲ။ အဲ .. နောက်ပိုင်းတော့ လမ်းမှားရောက်ခဲ့တယ်ပေါ့ဗျာ..။

.

အတန်းထဲမှာ စာဖြေဖို့လက်ထောင်တာကို သူငယ်ချင်းတွေက မတရားလှောင်ပြောင်ကြတယ်။ ဒါနဲ့ နောက် ဆရာဘာမေးမေးမဖြေရဲတော့ဘူး။ အဲဒီကနေ စတော့တာပဲ။

.

ကျွန်တော်ဟာ ကစားကွင်းမှာကစားနေရမယ့်အစား သူငယ်ချင်းတွေနဲ့လိုက်ပြီ်း စက်ဘီးတွေလိုက်ခိုးတယ်။ ဒီလိုနဲ့ အထက်တန်းသာပြီးသွားတယ် ဘာလုပ်လို့ ဘာကိုင်ရမှန်းမသိဘူး။

.

နောက်တော့ စစ်တပ်ထဲဝင်ဖို့ဆုံးဖြတ်လိုက်တယ်။ မထင်မှတ်ပဲ ကျွန်တော် ( ၉၆ ) မှတ်ထက်မနည်းတဲ့အဆင့်နဲ့ ဝင်ခွင့်အောင်တယ်။ ကျွန်တော့အထက်အရာရှိက ကျွန်တော့ကိုနောက်ကျနေခိုင်းပြီး အဆင့်မြင့်တန်းအတွက် ဆက်လေ့လာခိုင်းတော့ ကျွန်တော်ကြိုးစားလုပ်တယ်။

.

ပြီးတော့ ကောလိပ်ဆက်တက်ဖို့ပြောတာလဲ သူပဲ … ကျွန်တော်သွားတက်တယ်။ ဒီလိုနဲ့ စစ်တပ်မှာတာဝန်ကျတာ အနှစ် ( ၂ဝ ) ပြီးတဲ့နောက်မှာ အခုဆို ဥပဒေကျောင်းသွားတက်ချင်နေတယ်။

.

တစ်ခါတစ်ခါ ဘဝကိုနောက်ကြောင်းပြန်လှည့်ကြည့်မိတဲ့အခါ စစ်တပ်က ကျွန်တော့ရဲ့ပျိုမျစ်နုဖတ်တက်လမ်းရှိတဲ့ဘဝကို စုတ်ယူသွားတာပဲ။ ကြည့်လေ .. ကျွန်တော်အခု ဘာမှမဖြစ်လာဘူး။

.

တစ်ကယ်လို့ စစ်တိုက်ရင်းနဲ့သာအချိန်မကုန်ခဲ့ရင် ကျွန်တော့ရဲ့လွမ်းမောဖွယ်ရာ ငယ်စဉ်ကလေးဘဝလေးကို ရခဲ့မှာပဲ။ ဒါကြောင့် ကျွန်တော် စဉ်းစားမိတယ် .. အပေါင်းအသင်းမမှားခဲ့ရင် ကောင်းမှာ..။

.

ခင်မင်ခြင်းများစွာဖြင့်

.

07-26-2015

Levi’s သည်လည်း အမိုက်စားမဟုတ်တော့ပါ

ဆောင်းပါးရှင် - ကိုညီညီ ( တောင်ကြီး )

.

Levi’s ရဲ့ အမှုဆောင်အရာရှိချုပ်က သူ့ကုမ္ပဏီဟာ အားကစားကိုယ်ကြပ်အကျီင်္များ - Atheisure နဲ့ ယောဂကျင့်သူများဝတ်တဲ့ ခပ်လှလှဘောင်းဘီများရဲ့ ခြိမ်းခြောက်မှုဒဏ်ကိုရင်ဆိုင်နေရတယ်လို့ ဝန်ခံသွားပါတယ်။

.

“ ကျွန်တော်တို့ ထိုင်ခုံလှုပ်နေတယ်။ ဆိုလိုတာက သုံးစွဲသူရှာနေတာနဲ့ ဆိုင်တွေကိုကျွန်တော်တို့ကိုပို့လိုက်တဲ့ကုန်ပစ္စည်းတွေဟာ တော်တော့ကိုကွာနေတာတွေ့ရတယ်။ ဒီနေရာမှာ ကျွန်တော်တို့ ငုတ်တုပ်မေ့နေတယ် ” လို့ CEO ချစ်ပ်ဘာ့ခ်ျ က သုံးသပ်သူများကို ပြီးခဲ့တဲ့နှစ်တုန်းကပြောဖူးတယ်။

.

အခုခေတ်က ယောဂဝတ်စုံ - Yoga Pants တွေ ဖြစ်လာပြီ။ အဓိကထုတ်လုပ်တဲ့တံဆိပ်က လူလူလီမွန် Lululemon ( http://shop.lululemon.com/ ) တံဆိပ်ပါ။ အဲဒီအချိန်ကနေစပြီး မေးစီ - Macy လို၊ Gap လို ဆိုင်တွေမှာ သက်တောင့်သက်သာဝတ်နိုင်တဲ့ ယောဂအကျီင်္တွေနဲ့ဘောင်းဘီတွေတင်လာကြတယ်။

.

.
ဘလွန်းဘတ် - Bloomberg မီဒီယာရဲ့ သတင်းတစ်ပုဒ်မှာ ကမ္ဘာ့အထင်ကရဂျင်းဘောင်းဘီအမှတ်တံဆိပ် လီဗိုက်စ် - Levi’s ဟာ ပြောင်းလဲလာတဲ့သုံးစွဲသူတွေရဲ့ရွေးချယ်မှုတွေကို လက်ခံထုတ်လုပ်မယ့်အစား သူ့လက်စွဲဂျင်းထည်ထုတ်ကုန်တွေပေါ်မှာသာယာနေတယ်လို့ပါရှိတယ်။ ရလဒ်အနေနဲ့ ကုမ္ပဏီမှာ နှစ်ပိုင်းအတွင်းပိုင်ဆိုင်မှုတန်ဖိုး ဒေါ်လာ ( ၇ ) ဘီလျံကနေ ( ၄.၈ ) ဘီလျံအထိကျဆင်းခဲ့ရတာကို လေ့လာနိုင်ပါတယ်။

.

“ သူများနဲ့မတူတဲ့ဒီဇိုင်းမျိုးမရှိမချင်း ကျွန်တော်တို့မှာဝတ်စရာဂျင်းဘောင်းလီလုံလုံလောက်လောက်ရှိနေပါပြီ ” ဆိုတဲ့ သုံးစွဲသူတွေ အဆင်ပြေသလိုဝတ်ဆင်လာတာနဲ့အမျှ သူတို့ကိုယ်ပေါ်မှာ ပါးပါးလျပ်လျပ်အဝတ်အစားတွေတွေ့လာရတယ်။

.

ဂျင်းဘောင်းဘီထုတ်လုပ်သူတွေနဲ့ တင်ရောင်းတဲ့ဆိုင်တွေက ဖောက်သည်တွေကို “  ခင်များတို့တကယ်ဘာလိုသလဲဆိုတာကို ဂရုမစိုက်နိုင်ဘူး .. ခင်များတို့ဘာလိုချင်သလဲဆိုတာကို ကျွန်တော်တို့သိပြီးသား ” လို့ ခေါင်းမာနေဆဲကာလဆိုရင်လည်း မမှားပါဘူး။

.

.

အခုလို အားကစားကိုယ်ကြပ်ဝတ်စုံတွေတိုးပွားဝတ်ဆင်လာတာကြောင့် ဂျင်းဘောင်းဘီထုတ်လုပ်မှုကိုထိခိုက်စေတာ အသစ်အဆန်းမဟုတ်တော့ပါဘူး။ ပြီးခဲ့တဲ့နှစ်ကစ ဂျင်းပြာကုန်သည်တွေဟာ လက်ရှိဝတ်ဆင်သူတွေကိုဆွဲဆောင်ဖို့ သက်တောင့်သက်သာရှိတဲ့ ဆွဲဆန့်လို့ရတဲ့ မိန်းမဝတ်ဂျင်းပင်တွေထုတ်ခဲ့ရတယ်။

.

“ ဘောင်းဘီအသားကိုက အသားနဲ့ကပ်ပြီး ကြပ်ရပ်နေမှကြိုက်ကြတာ ” လို့ အမြဲကြားရတယ်လို့ Levi’s ရဲ့ ကုန်ထုတ်အရာရှိချုပ်က အင်တာဗျူးတစ်ခုမှာ မှတ်ချက်ပေးတယ်။ ဒါပေမယ့် ဒီအဖြေဟာ လွန်ခဲ့တဲ့ ( ၃ ) နှစ် နဲ့ ( ၅ ) နှစ်တုန်းကဆိုရင် မမှန်ပါဘူး။

.

.
အခုဆိုရင်တော့ Levi’s ဟာ မိန်းမအကြိုက် 712 Slim ဆိုတဲ့ဆိုဒ်မျိုးတွေထုတ်နေရပြီ။ သေးသေးသွယ်သွယ် ( ၂၅ ) နှစ်အရွယ် ဈေးဝယ်သူအမျိုးသမီးတစ်ယောက်က သူ့ခန္ဓာကိုယ်နဲ့အကိုက်ဖြစ်ပြီး ဝတ်လို့ကောင်းတဲ့အကြောင်းမှတ်ချက်ကို ကုမ္ပဏီက မရအရမှတ်တမ်းတင်ထားတာကိုလည်း သိရပြန်တယ်။

.

ဘယ်လိုအပြောင်းအလဲတွေရှိရှိ အမေရိကန်နိုင်ငံအထည်ချုပ်လောကရဲ့အကြီးဆုံးကုမ္ပဏီထဲမှာ Levi’s ဟာ အဆင့် ( ၅ ) ချိတ်နေတုန်းပါ။ သူ့ရဲ့ရွှေရောင်တောက်ပခဲ့တဲ့ ( ၁၉၉ဝ ) နှစ်လွန်ကာလတုန်းကဆို ကုမ္ပဏီရဲ့တန်ဖိုးက ဒေါ်လာ ( ၈ ) ဘီလျံရှိခဲ့ပါကြောင်း တင်ပြလိုက်ရပါတယ်။

.

ခင်မင်ခြင်းများစွာဖြင့်

.

07-23-2015

.

ရည်ညွှန်းကိုးကား - Business Insider
.
" Levi’s သည်လည်း အမိုက်စားမဟုတ်တော့ပါ " စာမူသည် ၂ဝ၁၅ ခုနှစ်၊  သြဂုတ်လ ( ၂၉ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၉၉ ) ၊ စာမျက်နှာ ( ၅၁ ) တွင် ဖော်ပြပါရှိသည်။ Download Link:http://www.mediafire.com/download/hvtaijk5jltgilu/NetGuide+Vol.3%2C+No.99.pdf

ငယ်ရွယ်သူရဲ့မလျှော့တဲ့ဇွဲ

မြန်မာမှုပြုသူ - ကိုညီညီ ( တောင်ကြီး )

.

“ သမီး ငယ်ငယ်လေးနဲ့ ဘွဲ့အစောကြီးယူခဲ့တယ်။ အပြင်လောကကိုလေ့လာချင်လွန်းအားကြီးလို့လေ ”

“ ဒါပေမယ့် အလုပ်ရှာရတာ စိတ်ကူးဖူးတာထက် အရမ်းခက်ခဲတယ်။ အသက်ငယ်နေလို့ သမီးကို လူတွေကအလုပ်ခန့်ရမှာ ကြောက်နေတယ်လို့ ထင်တာပဲ ”

“ အလုပ်ပေါင်း ( ၂ဝဝ ) ကျော် လျှောက်လွှာတွေပို့ခဲ့တယ်။ အဲဒီကနေဘာတွေ့လာသလဲဆိုတော့ ( ၁ဝ ) စောင်ပို့ရင် အလုပ်ရှင် ( ၁ )  ယောက်တော့ ဖုန်းပြန်ခေါ်လာတယ်”

“ ဖုန်း ( ၅ ) ခေါက်ခေါ်တိုင်း ကုမ္ပဏီ ( ၁ ) ခုကတော့ လူတွေ့အင်တာဗျူးပေးတယ်။ အခုဆို အင်တာဗျူး ( ၇ ) ခေါက် ထိုင်ပြီးသွားပြီလေ ”

.

“ ဒါဆို အသက်ငယ်ငယ်နဲ့ဘွဲ့မယူမိခဲ့ရင်အကောင်းသားလို့ မတွေးမိဘူးလား? ”

.

.

“ ဒီအကြေင်းမတွေးမိဖို့ပဲ ကြိုးစားခဲ့ပါတယ်။ အဲဒီလိုတွေးမယ့်အစား နောက်ထပ်လျှောက်လွှာ ( ၁ဝ ) စောင်ပဲ တင်လိုက်တော့မယ် ”

.

Sources: Humans of New York: 07-23-2015

လေယာဉ်တစ်ခုလုံးရဲ့အသက် ( သို့မဟုတ် ) အသက်ရှူပေါက်သေးသေးလေး

ဆောင်းပါးရှင် - ကိုညီညီ ( တောင်ကြီး )

.

.

လေယာဉ်စီးတိုင်း အများစုသောလူတွေက ပြူတင်းပေါက်နားထိုင်ချင်ကြတယ်။ အဲဒီ Window Seat မရလို့ စကားများကြ၊ အချေအတင်ဖြစ်ကြတဲ့ဇာတ်လမ်းတွေဆိုတာလည်း မနည်းမနောကြားဖူးကြပါလိမ့်မယ်။ ဒီလူတွေက ပြူတင်းပေါက်ကပေးနိုင်တဲ့ လက်တစ်ကမ်းအန္တရာယ်ကို မသိကြလို့ နေရာလုနေကြတာပါ။

.

သိထားသင့်တဲ့အချက်တွေထဲမှာ

.

( က ) လေယာဉ်ဟာ ဝေဟင်ထဲမှာရှိနေစဉ် ပြူတင်ပေါက်အပြင်ဘက်ကိုယ်ထည်ရဲ့ အပူချိန်ဟာ အနှုတ် ( ၇ဝံ ) ဖာရင်ဟိုက် ရှိတယ်။

.

( ခ ) လေယာဉ်ပြူတင်းပေါက်မှာ မှန် ( ၃ ) ထပ် ပါတယ်။

.

( ဂ ) အမြင့်ပေ ( ၂ဝဝဝဝ ) ကျော် ပျံသန်းနေတဲ့လေယာဉ်ရဲ့ကိုယ်ထည်မှာ ရေခဲပြီး မှန်တွေကို ရေခဲရိုက်စေတယ် စတဲ့ အချက်အလက်တွေပါပါတယ်။

.

.

ဒီလိုရှုတ်ထွေးပြီး ထိန်းသိမ်းရခက်ခဲတဲ့ လေယာဉ်ရဲ့လေထုအခြေအနေတွေကို ကယ်ပေါက်ပေးလိုက်တာကတော့ အသက်ရှူပေါက် လို့ မြန်မာလိုအမည်ရတဲ့ Breather Hole သေးသေးလေးပဲ ဖြစ်ပါတယ်။ သူ့ကြောင့် လေယာဉ်ရဲ့လေထုထဲမှာတည်ငြိမ်မှု နဲ့ ဘေးကင်းလုံခြုံရတယ်ဆိုရင် ယုံနိုင်ပါ့မလား?

.

( ၃ ) ထပ်ကပ်လျက်ရှိတဲ့ လေယာဉ်မှန်တွေမှာ သူ့တာဝန်နဲ့ သူ့လုပ်ငန်းစဉ်နဲ့ ရှိကြတယ်။ မှန်လို့သာဆိုရပေမယ့် အဖြစ်မှန်က ပလပ်စတစ်အမာစား Acrylics ကုန်ကြမ်းနဲ့ပြုလုပ်ထားတာပါ။ အတွင်းဘက်အကျဆုံးမှန်ကို ခြစ်ရာခံမှန် - Scratch Pane လို့ခေါ်ပါတယ်။ သူက အတွင်းကမှန်တွေကို မထိခိုက်အောင် အထိခိုက် အပွန်းပံ့ခံအနေနဲ့ တာဝန်ထမ်းဆောင်ရပါတယ်။

.

အပြင်ဘက်ကျတဲ့မှန် ( ၂ ) ချပ်က ဝေဟင်က လေအေးကြမ်း နဲ့ လေယာဉ်တွင်းက အပူချိန် ( အအေးဓါတ် )  ကို ညှိပေးရတယ်။ သူတို့နှစ်ချပ်ဟာ ပင်ကိုယ်အားဖြင့် အလွန်အမင်းတောင့်တင်းကြသော်လည်း  လေဖိအားရဲ့ဒဏ်ကိုတင်းခံနိုင်လောက်အောင်တော့ မစွမ်းသာပါဘူး။ ဒါကြောင့် အမှန်တကယ် လေဖိအားတင်းကြပ်လာတဲ့ခါ မှန်တွေကိုခံနိုင်ဖို့ ထွက်ပေါက်တစ်ခု လိုပါတယ်။ ဒီလိုအပ်ချက်ရဲ့အဖြေအတွက် လေယာဉ်တည်ဆောက်သူတွေဟာ အဖြေတစ်ခုတွေ့ရှိခဲ့တယ်။ အဒါကတော့ အလယ်မှန်ရဲ့အောက်နားမှာ လေဝင်ပေါက်အသေးလေး ဖောက်ပေးလိုက်တာပါပဲ။

.

.

လေယာဉ်ဟာ အမြင့်ကိုတက်လေလေ လေဖိအားကျလေလေပါ။ အထူးသဖြင့် ဒေါသကြီးနေတဲ့ လေအေးကြမ်းတွေဟာ အပြင်ကနေ အတွင်းကို အတင်းတိုးဝင်ဖို့ကြိုးစားသလို အထဲကပေါ့ပါးတဲ့လေထုကို အပြင်ကိုစုတ်ထုတ်ဖို့အားယူပါတယ်။ ဒါကို မှန်ရဲ့ မာဆင့် - Hardness တစ်ခုထဲနဲ့မခံနိုင်ပါဘူး။

.

မနိုင်ပဲနဲ့ဆက်တောင့်ခံထားရင် ပွင့်ထွက်ပြီး အားလုံး ဒုက္ခများကုန်မှာ ဖြစ်ပါတယ်။ ဒါကြောင့် မှန်အတွက် အသက်ရှူပေါက်ထည့်ပေးလိုက်တဲ့တော့ လေဝင်လေထွက်မျှတပြီး လေယာဉ်တွင်း နဲ့ ပြင်ပလေကြားက အပူချိန်ကို ချိန်ညှိပေးတဲ့အခါ အန္တရာယ်ကင်းတဲ့အနေအထားကိုရရှိလာပါတော့တယ်။

.

.

အကူအနေနဲ့ အကြောင်းတစ်ခုခုကြောင့် အပြင်ဆုံးမှန်ရဲ့လုပ်ငန်းဆောင်တာတွေပျက်ယွင်းခဲ့ရင် အလယ်က Breather Hole ပါတဲ့မှန်က ဆက်ထိန်းထားပါတယ်။ တစ်နည်းတစ်လမ်းအားဖြင့်လည်း မှန်မှာကပ်တွယ်လာမယ့် မြူခိုးတွေ၊ လေဟာနယ်တွေ နဲ့ လေဖိအားကွာခြားမှုတွေရဲ့ အတိုးအလျော့ကို လက်ခံပေးခြင်းအားဖြင့် ခရီးသည်များ လိုရာခရီးကို ချောချောမွေ့မွေ့ စိတ်အေးချမ်းသာစွာ သွားရောက်နိုင်ကြတာဖြစ်ပါတယ်။

.

ကယ်ပေါက်လေးက သေးပင်သေးသော်လည်း အပြင်က လေစီးကြောင်းပုံစံ၊ ပြူတင်းပေါက်မျက်နှာပြင်ရဲ့အပူချိန်၊ ခရီးသည်တွေစီးနင်းတဲ့အတွင်းပိုင်းက လေသိပ်သည်းဆ နဲ့ လေတိုက်နှုန်းတို့ကို ပဲ့ကိုင်သွားတာကတော့ သိပ္ပံပညာရှင်များတွေ့ရှိခဲ့တဲ့ ကယ်ပေါက်ကလေးပဲ ဖြစ်ပါတယ်။

.

.

ဒါကြောင့် လေယာဉ်မှန်နား ကပ်လျက်စီးနင်းတဲ့အခါ မှန်အောက်ခြေနားမှာပေါက်နေတယ်ဆိုပြီး မကြောက်သွားပါနဲ့..။ အသက်ရှူပေါက် တစ်ဖြစ်လဲ အင်္ဂလိပ် Bleed Hole လို့ နောက်တစ်မျိုးခေါ်သေးတဲ့ အပေါက်လေးကို တမင်တကာဖေါက်ထားတဲ့အကြောင်း တင်ပြလိုက်ပါတယ်။

.

ခင်မင်ခြင်းများစွာဖြင့်

.

07-08-2015

.

ရည်ညွှန်းကိုးကား - Business Insider