အသက်ပေါင်းများစွာကိုကယ်မယ့် Samsung Safety Truck

ဆောင်းပါးရှင် - ကိုညီညီ ( တောင်ကြီး )

.

တစ်နာရီမှာ လူတစ်ယောက်ကျ သေဆုံးနေတယ်။ သေဆုံးသူအားလုံးရဲ့ ( ၈ဝ% ) ဟာ ကားလမ်းပေါ်မှာဖြစ်ကြတယ်။ အသက်စွန့်ကြရခြင်းရဲ့အဓိကအကြောင်းရင်းကတော့ ကားလမ်းပေါ်မှာမောင်းနေရင်း မမြင်ရပဲ ရှေ့ကားကိုကျော်တက်ခြင်းကြောင့်ပဲဖြစ်ပါတယ်။ အဲဒီနိုင်ငံဟာ ဘယ်နိုင်ငံလည်း စဉ်းစားလို့ရပြီလား? အဖြေက အာဂျင်တီးနားနိုင်ငံပါ။

.

တစ်ဖက်ကိုတစ်လမ်းမောင်းစံနစ်နဲ့ ကျဉ်းမြောင်းတဲ့လမ်းအရှည်မိုင်ပေါင်းများစွာရှိတဲ့ အာဂျင်တီးနားနိုင်ငံဟာ ကားသမား နဲ့ ခရီးသည်များ အသက်ပေးလိုက်ကြရတဲ့ ကမ္ဘာပေါ်မှာ အကြီးမားဆုံးအသက်ဆုံးရှူံးမှုဘွဲ့ကို ပိုင်ဆိုင်ထားတယ်။ ဦးစားပေးလမ်းလည်းမရှိသလို မျက်နှာချင်းဆိုင်လာတဲ့ကားကိုရှောင်ဖို့လမ်း - Lane လည်း မရှိပါဘူး။

.

.

ဒီအခက်အခဲကိုဖြေရှင်းဖို့ Samsung က နည်းလမ်းတစ်ခုနဲ့ အပြောင်းအလဲတစ်ခုလုပ်ကြည့်တယ်။ သံပုံးကား၊ ကွန်တိန်နာကားတို့ရဲ့ နောက်တံခါးပိတ်မှာ ကားလမ်းတုန်ခါမှုဒဏ်ကိုခံနိုင်တဲ့ LCD တီဗွီဖန်သားပြင်ကိုတပ်ဆင်ပြီး မောင်းနေတဲ့ကားဒရိုင်ဘာမြင်ရတဲ့မြင်ကွင်းကို အနောက်ကကပ်လျက်လိုက်လာတဲ့ကားမြင်နိုင်အောင် ပြထားပေးလိုက်တယ်။ ဒါကြောင့်ပဲ ရှေ့ကပိတ်နေတဲ့ကားကိုကျော်ဖို့ အန္တရာယ်ကင်းလား၊ ကားရှင်းလားဆိုတာ အနောက်ကားက LCD ပေါ်မှာကြည့်ပြီး ဆုံးဖြတ်ရုံပါပဲ။

မှန်ကန်သောအိမ်မက်မက်စေချင်သူ မာ့ခ် ရဲ့ ပညာရေးပဒေသာပင်

ဆောင်းပါးရှင် - ကိုညီညီ ( တောင်ကြီး )

.

.

အိပ်မက်ဆိုတာ အိပ်နေရုံနဲ့တော့ ပြည့်မြောက်သွားမယ့်အရာမဟုတ်ပါဘူး။ ပန်းတိုင်ရောက်အောင်မက်နိုင်မှ အိမ်မက်က လက်တွေ့ဘဝမှာ အကောင်အထည်ပေါ်လာမှာဖြစ်တယ်လို့ဆိုလာသူကတော့ လူမှုကွန်ယက် Facebook ရဲ့ CEO မာ့ခ်ဇတ်ဂါဘတ် - Mark Zurkerberg ဖြစ်ပါတယ်။

.

အမေရိကန်နိုင်ငံက ပညာသင်ဆု - Scholarship ပေးတဲ့အဖွဲ့တွေထဲမှာ အမေရိကန်အိပ်မက် လို့ အမည်ရတဲ့ www.thedream.us အဖွဲ့ဆိုတာ ရှိပါတယ်။ သူတို့ဟာ သမ္မတအိုဘားမားက စာရွက်စာတမ်းမရှိတဲ့ တရားမဝင်နေထိုင်နေသူတွေရဲ့ သားသမီး ကျောင်းသားလူငယ်တွေကို ဆက်လက်ပညာသင်ယူနိုင်ဖို့ဖွဲ့ထားတာလို့ သိရတယ်။

.

မာ့ခ် က “ သူတို့ရဲ့ငယ်စဉ်ဘဝတွေကို တရားမဝင်နေထိုင်မှုပုံစံနဲ့ဖြတ်သန်းခဲ့ကြပြီး အမေရိကားပြည်နယ်အနှံ့အပြားကကျောင်းတွေမှာ ပညာသင်ယူခဲ့ကြတယ်။ ဒီမြေပေါ်မှာ ဆက်လက်နေထိုင်လိုကြတဲ့သူတို့လေးတွေဟာ အမေရိကန်အနာဂါတ်ရဲ့အစိတ်အပိုင်းတစ်ခုအနေနဲ့အရေးပါတယ်လို့ မြင်ပါတယ် ”

.

“ ဒါပေမယ့် တရားဝင်စာရွက်စာတမ်းမရှိသူတွေအဖို့ ကောလိပ်အဆင့်ပညာရေးအတွက် မတရားရုန်းကန်နေရသလို ပြည်နယ်စာသင်စားရိတ်အထောက်အပံ့ - Federal Aid လည်း မရရှိကြပါဘူး။  ”

.

“ အမေရိကန်နိုင်ငံဟာ ပြောင်းရွှေ့ပြည်သူတွေနဲ့တည်ဆောက်ထားတဲ့ တိုးတက်တဲ့တိုင်းပြည်တစ်ခုပါ။ နေရာအသီးသီးက တော်တဲ့၊ စွမ်းတဲ့၊ အလုပ်ကြိုးစားတဲ့သူတွေ ဒီမြေမှာရပ်တည်ခွင့်ပေးပြီး သူတို့ရဲ့ရည်မှန်းချက်ရောက်အောင် ဖြစ်နိုင်သမျှ မြေတောင်မြှောက်ပေးရမယ် ”

.

“ သူတို့လေးတွေတက်လှမ်းဖို့ ပညာရေးလှေခါးတွေကို ဆင့်ကာဆင့်ကာ ဆက်တမ်းပေးနိုင်မယ်ဆိုရင် .. သေချာတယ် .. အမေရိကားလည်း အကြီးအကျယ်တိုးတက်လာမှာပဲ ”

.

.

ဒါကြောင့် ဒီနေ့ ဂျွန်လ ( ၁၇ ) ရက်နေ့မှာ thedream.us ကို ကျွန်တော် နဲ့ ကျွန်တော့အမျိုးသမီး ပရစီးလာတို့ နှစ်ဦး ဒေါ်လာ ( ၅ ) သန်း လှူဒါန်းခဲ့တယ်။ နောင် ( ၅ ) နှစ်အတွင်း ဆန်ဖရန်စစ္စကိုပင်လယ်အော်ဒေသ - Bay Area အတွင်းမှာ ရွှေ့ပြောင်းနေထိုင်ကျောင်းသားပေါင်း ( ၄ဝဝ ) အတွက် ကောလိပ်စကောလားရှစ်ပရိုဂရမ်တွေ ဖန်တီးဖို့ ဒီငွေတွေကို သုံးစွဲပါမယ်။ ကျွန်တော်အရင်ကတည်းက ပါဝင်စိုက်ထုတ်ခဲ့တဲ့ ဒီအဖွဲ့ကို ဒွန်ဂရေဟမ် - Don Graham ဦးဆောင်တဲ့ ဒီအဖွဲ့မှာ ကျွန်တော်အရင်ကတည်းက စိုက်ထုတ်ပါဝင်ရင်းနှီးခဲ့တာပါ ”

.

“ ဒါနဲ့တစ်ဆက်တည်း သူတို့လေးတွေရဲ့စွမ်းဆောင်မှုကနေ ပင်လယ်အော်ဒေသရဲ့ လူမှုရေး၊ စီးပွားရေး နဲ့ ဒေသဆက်ဆံရေးတွေတိုးတက်စေဖို့ ရည်ရွယ်ပါတယ်။ နောင်အနာဂါတ်နှစ်တွေအတွက် ကျွန်တော်တို့ရဲ့ရည်မှန်းချက်ကတော့ ကျောင်းသားတွေ Associate Degree နဲ့ Bachelor Degree တွေကို အသီးသီးရရှိပြီး လှပသပ်ရပ်တဲ့အနာဂါတ် နဲ့ အဓိပ္ပာယ်ရှိတဲ့အလုပ်ကောင်း အကိုင်မွန်တွေ ဖန်တီးနိုင်သွားစေချင်တာပါပဲ ”

.

“ အခုခြေလှမ်းဟာ လူဝင်မှုကြီးကြပ်ရေး နဲ့ ပညာရေးကဏ္ဍတို့ကို တစ်ပေါင်းတည်းရင်ချင်းအပ်ပြီးဖြေရှင်းဖို့ကြိုးစားတဲ့ ကျွန်တော်တို့တိုင်းပြည်ရဲ့အရွေ့လို့လည်းခေါ်ဆိုနိုင်ပါတယ် ” လို့ သူ့ကိုယ်ပိုင်ဖေ့စ်ဘွတ်ခ်စာမျက်နှာကနေ ကြေငြာသွားပါတယ်။

.

ခင်မင်ခြင်းများစွာဖြင့်

.

06-17-2015

.

ဆက်လက်လေ့လာနိုင်ရန် ။          ။ http://www.thedream.us/
.

"   မှန်ကန်သောအိမ်မက်မက်စေချင်သူ မာ့ခ် ရဲ့ ပညာရေးပဒေသာပင် "   စာမူသည် ၂ဝ၁၅ ဂျူလိုင်လ ( ၄ ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၉၁ ) ၊ စာမျက်နှာ ( ၅၁ ) တွင် ဖော်ပြပါရှိသည်။

Download :http://www.mediafire.com/download/32b0nyuedoxmw2z/NetGuide+Vol+3%2C+Issue+91.pdf

Facebook က ပိုမိုပေါ့ပါးသော Facebook Lite App အသစ်ကိုလွှင့်တင်

ဆောင်းပါးရှင် - ကိုညီညီ ( တောင်ကြီး )

.

.

နှေးကွေးတဲ့ အင်တာနက်ကွန်ယက်တွေမှာ ကောင်းမွန်စွာအလုပ်လုပ်မယ့် Facebook Lite ကို Facebook က လွှင့်တင်လိုက်ပါတယ်။ Facebook Lite App ဟာ ကမ္ဘာတစ်လွှားက Android OS ထည့်သွင်းထားတဲ့ဖုန်းတွေမှာ ပိုမိုမြန်ဆန်စွာ လိုင်းတက်လာစေဖို့ ဒီဇိုင်းရေးဆွဲထားတယ်လို့ CEO မာ့ခ်ဇက်ဂါဘတ်က သူ့ရဲ့ကိုယ်ပိုင်လူမှုစာမျက်နှာကနေ ကြေငြာသွားပါတယ်။

.

“ ကျွန်တော်တို့ဟာ Facebook Lite ကို ခပ်သွက်သွက်အလုပ်လုပ်အောင် တည်ဆောက်ထားပါတယ်။ အင်တာနက်လိုင်းဆွဲအား အနည်းငယ်ရှိရုံမျှနဲ့ လုံလောက်တဲ့ဒေတာကိုရနိုင်ပြီး ယုံကြည်စိတ်ချရပါတယ်။ ဖိုင်ဆိုဒ်က 1 MB သာသာပဲရှိတာဖြစ်လို့ ဒေါင်းလော့ဒ်ဆွဲယူဖို့ စက္ကန့်အနည်းငယ်ပဲ လိုအပ်ပါလိမ့်မယ် ” လို့ မာ့ခ် က ဆက်ပြောပါတယ်။

.

အာရှ၊ အာဖရိက၊ လက်တင်အမေရိက နဲ့ ဥရောပတိုက်တို့အတွက် Google Play Store မှာ ယနေ့မှစ ရယူနိုင်ပါပြီ။ နောက်ပိုင်းမှာ တစ်ကမ္ဘာလုံးအနှံ့သုံးနိုင်အောင်လုပ်ဆောင်နေပြီး လူမှုအသိုင်းအဝိုင်းတွေအားလုံးချိတ်ဆက်မိအောင် အထောက်အကူပြုလုပ်ငန်းများကိုလည်း လုပ်ဆောင်နေတယ်လို့ ရေးသားထားပါတယ်။ ဘယ်အချိန်မှာ iOS  ပေါ်မှာသုံးလို့ရမယ်လို့တော့ ကြေငြာသွားခြင်းမရှိသေးပါဘူး။

.

koko2yeye@gmail.com
.
" Facebook က ပိုမိုပေါ့ပါးသော Facebook Lite App အသစ်ကိုလွှင့်တင် " စာမူသည် ၂ဝ၁၅ ဂျွန်လ ( ၁၃  ) ရက်နေ့၊ စနေနေ့ထုတ် NetGuide နည်းပညာဂျာနယ် အတွဲ ( ၃ ) ၊ အမှတ် ( ၈၉ ) ၊ စာမျက်နှာ ( ၅၁ ) တွင် ဖော်ပြပါရှိသည်။ Download : http://www.mediafire.com/download/b88i5ku1pvix9i7/NetGuide+Vol3%2C+Issue+89.pdf